D3-颱風下的北韓【西海水閘】

10:30　　西海水閘
12:00　　平壤午餐
2:00　　  平壤地鐵


補打2012.8.28 Part 2

   

真係唔知我地個2個導遊係因為打風無mood，定真係咁趕時間？定係因為2個新仔都唔識安排時間？

總之我成個行程淨係聽到叫我地唔好影相，同行快ｄ，唔夠時間啦............



搞笑既事發生啦，我地上左車之後導遊點名，點知發然唔見左3條目咀喎，男導遊落車搵又搵唔到～

有同胞就突然話：我頭先聽到佢地３個話要行落山睇千里馬.......我心諗，咩野事呀？明明知我地d point個個都係得個10分鐘

邊有咁多時間比你落山再上山？更何況就咁離左隊仲勇過我！好在我地等左10分鐘到，見佢地黎搵番我地～

導遊問佢地：你地夠竟去左邊呀？　３條目咀話：本身我地想行近ｄ睇千里馬，點知行行下唔係好對路......

妙香山行程因為打風取消左，唯有加插左個西海水閘比我地....呢個point真係想叫佢回水.....

完全唔值得去睇........同無野睇....仲加上短短30分鐘停左2次電....不過呢個水閘幫左好多北韓人



『서해갑문』西海水閘(攔河壩)位於南浦洞15公里之外既西部，大壩長度為8公里共36個水閘閘門

同時可供5萬噸船舶行駛，更加防止大同江淡水流入黃海，而西海水閘上既行車路打通左南浦同黃海南道既連接通道

  

 

我地去到西海水閘個時前面有２個旅行團聽緊講解，所以我地就只可以係展館出面睇下當時興建既相

係金日成眼中西海水閘被認定為一個對北韓黎講，好重要既工程成就，仲話自己既水閘係全世界最大

等左陣第一批人走左就到我地入去....原來就係睇個模型...同睇錄影帶，講個時起好左呢個水閘個時

北韓市民幾咁開心，有份起個ｄ人都比晒勛章佢地～金日成仲係當年多次黎到南浦視察呢個工程～



影片中提到西海水閘既好處：1. 增加大同江水位，令到大同江上可以多ｄ船隻同行

2.防止海水流入淡水，解決供水問題

3.灌溉南浦土地，令土地可變為耕地

回程去食中午飯個時，男導遊同我地開始再次開始國民教育，傳宣北韓係一個福地～

男導遊好自豪咁問我地：你地知唔知一生人之中最重要既三樣野係咩？




同胞們回答佢：衣、食、住！　男導遊話：無錯，呢ｄ都重要，旦更重要既係我地共和國

偉大既領導人金日成同志提供左「免費房屋」，「免費醫療」，「免費教育」三大免費比我地

先講「免費房屋」，北韓不允許有私人住宅，住房全由政府、單位提供，分5個級別

1級住房係一般老百姓住房，2級住房係一般幹部住房，3級住房係科、處級幹部住房

4級住房係局長級幹部、大學教授住房，特級住房係副部長以上高級官員住房


而城市居民只要結婚，都可以分到一套80平方米至150平方米既住房，農村既房屋也由國家統一修建

而北韓人分配到既房屋係由國家統一裝修好既全裝修房，甚至連家庭用具都有

北韓不收房費，連電、水、煤氣、冬天的暖氣，都係統一供應

一般一戶人家每月水電暖氣費加在一起也只是兩朝元，只係象徵性收費




不過，由於北韓電力不足，電壓又低，不加裝調壓器就有好多家電就無法使用

為左節電，電熨斗、電爐等耗電量較大既電器被禁止使用，違反者要予以處罰
幹部調動工作時，要將原住房交還給國家，到新既工作地點領取國家分配既新房屋

  

 

第二免費係「免費醫療」，北韓人話，佢地睇病唔洗錢，所以唔知道手術費係幾多錢，藥費又係幾多錢

因為呢ｄ都係免費，佢地住院、鑲牙全免費，甚至連住院伙食補助同往返路費都可以向單位報銷

最後一免係「免費教育」，北韓實行全民11年制義務教育，1年幼兒教育、4年初等教育、六年中等教育

呢11年中，所需學雜費、文具費由國家負擔。國家每隔兩年就比小學生免費發放一套校服

而中學生校服，家庭交納20％費用，其餘80%由國家負擔。高中畢業之後，要進行高考

大約有50％高中生可以升入大學。係大學，國家會分發助學金比大學生。北韓全國有200多間大學

其中最大既係平壤金日成綜合大學，大學生達一萬多人。考唔到大學既人，有ｄ參軍，有ｄ去打工

大學畢業之後，由國家統一分配工作！而分配工作都要睇下你家人之前有無對國家有功？或者會唔會係變節者

如果你屋企人清清白白就可以分到好工作，旦如果你家人試過對政府不滿過，或者祖先唔係朝鮮人的話

就算你係金日成綜合大學畢業，你可能都會比人分到去做礦工～