D3-颱風下的北韓【萬壽臺大紀念碑廣場(金日成，金正日銅像)】

7:00　　早餐
8:00　　萬壽臺噴水公園+人民大學習堂
8:30　　萬壽臺大紀念碑廣場(金日成，金正日銅像)
8:40　　千里馬


補打2012.8.28 Part 1

 

今日七點起身第一時間拉開窗簾！睇下個風係唔係真係打到黎，呢一刻仲覺得OK嫁...只係天暗，未有雨～

刷洗好之後就拿拿臨落去食早餐！正！有北韓薯片，桃味汽水！仲有洋蔥沙津，忌廉面包，醃生尤魚！



講真！我覺得ｄ野真係好味，泡菜，忌廉面包，炒薯仔絲，洋蔥沙津，桃味汽水，湯都係我最鐘意既野

特別係上圖係我隻碟上面個忌廉面包！！我每朝指定食兩個，本身想買包返黎做手信

旦我見酒店將佢地放係雪櫃到賣，好驚一冷一熱，我仲要去完北韓，再番係大陸幾日先返香港ｄ野會壞



入正題，今日黎到我地既第一站景點：萬壽台噴水公園+遠觀人民大學習堂......

其實我地個行程係妙香山...但因為颱風關係，變左留左係平壤.....唉...仲要個噴水池唔識噴水



만수대 기념 분수공원 萬壽臺噴水公園因為附近既鮮花，陽光，人工瀑布，岩石之間流動既水

同噴水池噴水花式....等等....被北韓新婚夫婦選為最鐘意拍攝既＂外景場地＂之一



而我地黎呢個噴水公園主要目的就係為左洗滌一下你既身心＋買花，之後我地就可以轉移玉步

去附近既萬壽臺大紀念碑廣場睇偉大既金日成主席同偉大既金正日領導者既銅像



講起呢札花真係驚人！人仔十五蚊一札，咁都算啦～大家睇唔睇到花後面一支支草係咩野品種？答案係韮菜！

真係差ｄ笑死左！買花呢Part佢地好好，唔會逼你地買，好似我咁，我就無買到～行行下仲見到北韓有的士！！



係噴水公園大約逗留左十分鐘到，我地就上車兜去旁邊既萬壽臺大紀念碑廣場獻花同鞠躬

由於北韓青年節既關係！ｄ人為左隆重其事青年節，女既個個都著韓服，男既個個都著西裝



『青年節』係為紀念金日成係青年時期（1927年）創建“朝鮮共產主義青年同盟”而制定既節日



每年既8月28同29號都會係北韓首都市中心廣場舉行盛大既慶祝活動，到時所有年輕人都會去到廣場上唱歌跳舞

而官方更加會放煙花紀念已故金日成，金正日！當我地團友問到我地可唔可以去廣場到睇下？



男導遊竟然答『唔知』就算...咁難得既颱風比我遇到，咁難得既青年節都比我遇到，點知都係無得睇



正正因為青年節既關係，就算今日打風都好，黎萬壽臺大紀念碑廣場既人反而一ｄ都無小到

比平時仲多左，唔知係唔係都北韓政府規定佢地一定要黎嫁呢？唔黎就成家去勞改？哈哈



萬壽臺大紀念碑廣場既右手面就可以遠處見到千里馬，由1961年4月15日建立，講起千里馬真係有段故～

1956年12月，金日成號召全體北韓人民高度發揮自力更生的精神，掀起社會主義建設新高潮

金日成當時親臨南浦降仙煉鋼廠同各地城鄉，向工人農民說明國家所面臨既困難同黨既決心

發出“以跨上千里馬的氣勢賓士”號召，動員所有人民投入呢場轟轟烈烈既鬥爭



所以“千里馬運動”就成為北韓崛起既象徵，成為促進社會主義建設既強大推動力

同埋成為北韓民主主義人民共和國社會主義建設總路線

經過千里馬運動，北韓既經濟實力同人民生活水準都超過南韓

降仙煉鋼廠發展成為具有年產100萬噸能力既千里馬鋼鐵聯合企業，能夠生產各種型號既鋼材同鋼鐵設備



進入70年代，千里馬進軍更成為思想、技術、文化既三大發展革命，個時既北韓唔單止令中國同南韓羨慕

仲支援左亞非拉等小國，直到80年代，南韓係美國扶持下，追趕上黎並反超北韓

係北韓當代史上，稱呢段時期為“千里馬時代”，北韓亦被稱為“千里馬北韓”



當日向銅像鞠完躬之後，個天都開始落起雨上黎，導遊仍然係叫我地唔好再影相，一味叫我地快ｄ快ｄ行啦