補打2012.8.27 Part 3
終於到左我最期待既行程！阿里郎萬人大匯演！每年既阿里郎表演時間都係推持係八月至十月～
而今年適逢已故北韓前國家主席金日成生日一百周年！同埋新接班人金正恩上場，今年既阿里郎
加入左更多新元素同新舞蹈，連新聞都話係歷年以來最盛大，華麗既演出！
其實一開始都唔明點解導遊話今日一定要黎睇左阿里郎先，仲話聽日，後日都無公演
後尾夜晚返酒店睇朝鮮台天氣報告先知！原來聽日打風....『布拉萬』經濟州島登陸北韓....
..................你話係唔係黑仔？咁都比我遇上打風.....旦之前個日北韓個天藍到不得了，連入夜都好靚
旅遊車，車到我地去北韓五一運動場（亞洲最大體育館，可容納十五萬五千名觀眾）之後，導遊急急腳去買飛！
原因係行程本身編左呢個show係聽晚先睇，呢家"呢咁hea"咁突然走黎睇...好既位都已經無晒...
我地呢團只可以坐三等席第61行，位於會場既右手面觀眾席！老實講！八百蚊人仔，坐咁既位
點都有ｄ不滿，我寧願再比多ｄ坐正中間～不過雖然位置唔係太好，旦仍然好震撼！！
一入到場，雖然表演仲未開始，旦已經見到前方表演台上觀眾席個兩萬名看牌不停rehearse緊
直頭有d去左軍隊咁既Feel『希喝，希喝』，一邊叫，一邊轉手上既牌，未開始，觀眾已經不停拍手
阿里郎本身係講高麗時期流傳落黎既一個愛情故事，但係北韓阿里郎除左愛情故事之外
仲加入左朝鮮民族苦難既歷史同現今建設成就以及朝鮮人民係金日成同金正日領導下既幸福生活
過往兩個鐘既表演，今年少左半個鐘～表現內容有北韓既傳統民族舞蹈，藝術體操，雜技等等
真係唔明白點解可以齊到咁樣？其實如果唔識韓文既朋友去睇都唔驚，因為前半段佢地用好共產既韓文歌黎表演
到後段變晒中文共產歌，革命歌，連後面一直show韓文既觀眾席看牌都變成中文字！勁！！中國同胞們興奮到爆
到表演中段，可能北韓都知道就算有十萬人不停表演，場景不停轉都好，就算有幾咁壯觀
旦要Keep住咁睇成九十分鐘都係講愛國同共產黨，點都會有ｄ厭既！北韓睇穿呢一點
表演中段加插左段驚險萬分既雙人體操！成個體育館熄晒燈，兩名表演者被吊到體育館最頂點
只用一棧spotlight照住加上唔扣安全帶做出ｄ高難度動作！連我地睇都登佢緊張
突然間，被吊係下面既女仔甩手，由高空直墜.............................正當所有人都驚叫以為失手之時
四面既燈光即開，岩岩影到個女仔係直墜安全網！觀眾個心都未定之時，上面個男仔都一齊跳埋落黎
真係驚險萬分，原因係跳個高度都好高下，加上安全網唔知扎唔扎實，而安全網上既女仔仲未走開
男仔就急住跳落黎，因為要轉另一個高難度場景繼續表演！本身睇到悶悶地既歌舞表演，比佢嚇一嚇，成場觀眾都醒晒！
接近尾聲個時，有一大班北韓小朋友出場，雖然個個面帶鬼異既笑臉同濃妝～旦係個個都好努力表現出呢隻歌舞既主題
『北韓小朋友人人係北韓生活都好開心』，只有歡笑，市民係偉大既金日成同金正日同志既領導下，邁向一片光明
仲有為了我們的後代，我們一心希望南北韓統一...九十分鐘洗腦式既北韓版國民教育係精彩既
真係值回票價！表演結束我地爭取時間沖出去買紀念Tee同心口針，件紀念Tee仲薄過我條底褲要100CNY
心口針就50CNY，仲有阿里朗DVD 300 CNY，同埋一ｄ Poster～我淨係買左件紀念Tee同心口針
唔夠10分鐘既時間，兩個導遊好緊張咁沖過黎話：你地去左邊呀？嚇死我啦，我地全部人等緊你呀
下...連購物時間都唔比？有無真係咁趕呀？呢家都係返酒店既路上炸嘛！
插曲：排緊隊睇阿里郎個時，女導遊同我地傾計，問我地係唔係就係香港黎個兩個女仔？我地話佢睇落好細個
咁就問佢幾多歲啦，佢話：我今年二十，細你地五年！ 我同我朋友好驚成件事，當我地兩條友尖叫加大笑之時
女導遊再爆多句說話：我知你九月十八生日！
我想講，我同佢見面仲未夠三個鐘，但佢已經一早睇晒我地ｄ資料 + 背晒生日 ... 可能其實我做咩，屋企住邊都知？
呢個時候真係覺得，今個行程唔可以掉易輕心，可能佢真係暗中一早睇實我地～哈哈哈
沒有留言:
發佈留言