D3-颱風下的北韓【平壤地鐵】

2:00　　 平壤地鐵


補打2012.8.28 Part 3



食飽飽，我地下一個行程就係搭『平壤地鐵』，雖然外面落狗屎，旦係都無減我地既興致



『平壤地鐵』始建於1966年，是在朝鮮領導人金日成參觀了北京正在建設中的地下鐵路系統後

發起在平壤修建的。在中國、前蘇聯及東歐各國的支援下，平壤仿照北京及莫斯科建成了世界最深的地鐵系統



深度普遍在22-100米之間，某些山區路段更深入150米，除了交通運輸外

這個地鐵系統還有防空洞的功能，是特別為可能發生的戰爭所考慮設計的　　　　［Credit: wiki］

  

旅行車，車到我地去千里馬線既第一個『부흥復興站』後，導遊又急急腳帶我地入去...門口影都影唔到....



經過一條有莓味同滑滑地既小隧道後，我地就見到地鐵入閘口，佢同香港都係一樣有『八達通』機

我相機都未拎起，導遊已經行左去最左手邊既外國人通道到......又係唔比時間影相.......



全世界最深既地鐵真係唔係講笑，由最頂落去個陣都見唔到盡頭，淨係見到ｄ人頭

落到去地鐵月台個時，男導遊同我地解釋北韓有２條地鐵線，一條叫千里馬線，另一條係革新線



解釋完站名，就即刻要上地鐵，佢話如果我地再影相就趕唔上呢班地鐵.....我好想話...

趕唔上都唔驚，我想影相呀大佬，上左第一個車箱後發現上錯左北韓市民個卡～

又要拿拿聲落車行去側面個卡～由於北韓政府唔容許商家賣廣告，所以無論地鐵車卡、

候車區、車站定係電梯都只見朝鮮勞動黨既掛畫或壁畫～我個人覺得咁樣更好喎～



係月台個時我見揸車個人企左出黎，所以我打算影佢，佢發現左之後，指住我大喝～



我ｒ底即刻，所以張相震左........好後悔...既然佢明知我影佢，就算佢喝我都應該扮無野～



一個站話咁快就過左...『영광榮光站』落車後，影左兩張相都無，導遊消失埋=

睇黎大部份團友都上晒地面，榮光站內既隧道寫住呢個站可以通去平壤火車站～

經過一條又係有莓味同滑滑地既地道後，終於上到地面，旦因為太大雨旅遊車又無黎到

  

我地全部人係個地道口打算影上去地面...點知女導遊阻止我地，話上到地面不準拍照...

最後我上左旅行車都係偷影左張地鐵入口照～我好鐘意佢地呢個咁懷舊既地鐵站牌～




因為本身好期待地鐵D相，最後影到咁差～好唔開心咁上左車黎左上面個地方，導遊唔比我地行出去

遠距離影左張相，連呢到做咩我地都唔知，咁又上車走人....去下一站手信店！！