補打2012.8.26 Part 3
丹東最後一篇既介紹！由我地酒店開始講起～如果希興趣坐火車入北韓既朋友，一定會經過丹東
強烈推薦丹鐵大酒店！原因一係：火車站旁，方便第二日一早集合去北韓（火車站集合）
第二個原因：近景點＋近超市，右手有樂購（似家樂福咁），左手有華潤萬家+文具店（買左好多野，都係抄韓國野！）
第三個原因：交通方面，對面馬路就有長途巴士站！去大連，瀋陽，廷吉......
第四個原因：Free Wifi！不過呢個我未能受惠～因為我同朋友都拎左下圖部老爺機去～原因入北韓境前要寄存
最後一個原因：食！！丹東不可以不提既就係食食食！應該係我人生中不可不提既野？
我地係丹東既三個晚上，三晚都係去左食串燒！由我地酒店行出黎過左對面馬路後，有KFC個條街轉入去！
有好多檔串燒，燒呀燒，由一蚊起，任揀！而丹東除左韓國菜外！仲有一個必食Item！就係黃砂蜆！
北常好味，只要二十人仔就有一盤蜆比你慢慢燒～包保隻隻蜆都係識郁！無沙，有海水味，超新鮮
仲有呢檔既韓式小餃！好好味！唔知係唔係有好多MSG係湯到定點啦！佢ｄ餃子細得黎粒粒都好有味
仲有值得一提既係，呢到ｄ麵檔都有好多韓式醃菜比你食，一碟一蚊（上圖橙色碟）
一碟你放幾款醃菜又得，堆到成座山咁都得～總之一碟一蚊，小餃子都係六蚊碗！Amazing！
沒有留言:
發佈留言