D1-偷窺北韓之序幕【中朝邊境丹東】中

13:00　　食韓國菜
17:00　　鴨綠江斷橋

補打2012.8.26 Part 2


玩完遊覽船，司機大佬車番我地去火車站途中見到呢條朝韓風情街～一睇就知好野黎～

因為丹東話晒係北韓邊境，呢到好多北韓走過黎既人同埋朝鮮族住係到

 

  

所以你黎到丹東，你去到邊都見到中韓對照既商店，好多韓國貨賣，但呢到d中韓對照

絕對唔係平時返大陸或者香港見到ｄ翻到亂晒，睇完都唔明既 google translate 黎，而係正統翻譯！

咁既然黎到，一定要一嚐北韓style朝鮮人主理既韓國菜啦！唔講唔知？！其實北韓除左出名冷面

我地成日食到既불고기 bulgogi 起源地！其實正正就係北韓사리원(沙里院)，北韓其實一開始既時侯

發展係好過南韓好多，所以個時有肉食真係一ｄ都唔奇，只不過佢地偉大既金日成同志要搞共產主意

實質將所有好野留比自己，搞到北韓發展唔到！變到呢家咁既樣........

食飽左我地去左超市買左d文具同薯片打算拎入北韓～返左酒店一陣又行出去鴨綠江斷橋

『鴨綠江斷橋』係朝鮮戰爭期間，作為中方支援朝鮮前線運送補給品既主要出入口

所以美軍多次派出轟炸機轟炸，大橋被攔腰炸斷，北韓一側鋼樑落入水中，並有三座橋墩被炸塌

戰後中國一側所剩四孔殘橋保留至今，被稱為「斷橋」而北韓一側則將餘下斷橋拆除，僅存橋墩

 

呢條斷橋呢家比三十蚊人仔就可以上去參觀～我地去個日咁岩仲見到有電視台拍攝，所以上面張相會見到吊住個攝影機

由中國斷橋既盡頭望去北韓，你會好離奇見到有個荔園咁既遊樂場係北韓邊境位到，聽聞又係片場２號，真係唔見有人玩

 

北韓係每個邊境位都一定有呢ｄ壁報版供人欣賞！真係好佩服亞金氏家族咁要面既做法。。。

　＊左北韓右中國

因為北韓電力不足，北韓每日晚上七點就會停電，但唔知呢家佢地係唔係因為多左外資流入～

當日七點個時，都仲見到有小量燈光由北韓屋仔到射出黎，不過左右分別幾咁大你就知佢地生活差幾遠？

 

 

日落前由中國影過去北韓既工廠煙囪！其實就咁望過去，北韓真係好靚，雖然無五光十色既夜生活

但佢地有既係無污染既天空，無電視既嘈吵聲，但就可以多左時間同屋企人傾計既時間～

세상에 부럼 없어라（世上沒有東西值得羡慕）呢句說話其實可能真係岩

 

 

現今社會好多人(包括我)唔識得知足，旦其實原來好多時好小既事，對於世界上有ｄ人黎講已經係過份奢侈