262 - 被拒門外的弘大Chir chir 炸雞店

9:00       弘大
10:00     DMZ
4:30       龍山
7:00       鷺梁津
10:00      弘大



之前係guesthouse睇DMZ 既團貴到無朋友！要137,000！我平時見最貴都係9萬～諗諗下搵番之前公司

同佢地講一講左價，加上我話我自己親身上場做GUIDE！變左佢地收20萬5個人！

我本身叫佢地包埋另一間餐廳！因為之前我係個到做個時都試過無問題！佢地死都唔肯～

佢話已經平左好多比我.... Cheap 爆！我地話咁我地自己比飯＄得啦呱？條八婆先話無問題！

一早9:00 我前老細黎到我到接左我先再去guesthouse！不過最鬼異既事就係佢早左十分鐘到！

旦又唔打比我話佢到左！我仲計到岩岩好先落樓！一上車吹寒問暖左一陣！問下公司生意點？

佢話好好喎！呃鬼咩！我問過韓國妹！佢話fan meeting個到人地同佢取消左合約！佢又問我做緊咩

我話我得閒做下翻譯～做一單都不知幾好搵！佢話：啊！咁咪好囉！ ..... x！真係鬥假！

一路車我地入坡州個時，我ｄ亞ｅ問佢做唔做機場pick up service！佢一黎話收12萬！勁貴～顛顛地

後尾佢解釋話唔知呢ｄ人係我ｄ親戚！咁假既藉口都講得出？一早講明晒嫁啦！假到爆！

你唔好話你唔知我地係女人？最後收8 萬一架車，point to point service！我計過佢都賺double啦！

一入到坡州買飛個時我搶先話買列車觀光！唔洗行個條奪命斜坡上黎！我諗佢一定好肉赤因為比多成倍

成個行程好快好順利！完左之後又要急急腳去睇個火車，之後又急急腳去我想去個間食堂！勁多人等

我估都有等左九個字～老細話佢唔食，係出面等我地～回程個時佢好好人咁車我地去龍山spa！

 

我都太耐無黎！呢家一入去好gag！有ｄ好似公關咁既人會捉住你地叫你做按摩呀個d野！

我地比佢說一說～５個人本身打算一齊做佢個全身按摩(十萬won一個人)，佢話7:00 先有師傅！

我地話咁太夜啦！因為佢成個過程要90分鐘！我地完左仲要去鷺梁津食海鮮！佢話鷺梁津24小時唔洗驚

我話係唔係呀？佢個到24小時者！唔代表檔檔都24小時呀？佢即搵人同我地上網check 下～

最後又改到ｄ師傅可以6:30就ready！咁我地話左ok之後就上左三樓沖涼洗身full Mask！

之後又去左一樓食烤蛋飲米水～呢家汗蒸幕更多左個黑炭烤蛋！個味同普通烤蛋差唔多！

 

一樓仲有魔術表演睇～真係好好笑！原來食下野HAE 下好快就6:30.... 我地之前仲驚時間太多

唔知點HAE～當我地去到做按摩個到！最爆既事就黎啦！個到老闆話Ｄ師傅去左食飯要遲十分鐘先開波

當我地等緊個時見到２個好高大既猛男係前面前黎走去～我仲講笑問唔知係唔係呢2條仔同我地按？

係就爽YY！點知講講下好似真係唔對路喎！佢地換晒制服！好奇底下問一問個間SPA既老細！

佢話係呀！你地有３個男師傅加２個女師傅！......O 晒咀！個Ｄ仔仔係好鬼後生又高大個Ｄ！

點睇都唔似正經按摩....加上我地仲有推油....我問同男人可以點推？佢話唔洗擔心！推油淨係推腳

我地個個都唔肯！要佢同我地做REFUND！佢仲話我地做咩唔一開始就request 要全女人師傅！

 

下～我鬼知你地真係好似大陸個ｄ　cheap cheap 骨場咁嫁咩～我地夠以為香港美容院做推拿咁啦！

呢到個老細都叫好小小～即同我地打去front desk個到話做refund！我地就去番3樓換衫~

呢個時候front desk 個公關沖左上黎ｘ我地～一入黎就勁大聲話真係好唔明白我地～仲話

如果唔要男人做咩唔一早講？我地話我地點知係男人？佢問我地做咩唔問佢？同埋男人又有咩野問題？

我地話呢ｄ可能係文化差異既問題！反正我地覺得男人就唔得，同埋你應該同我地講明係男人～

唔係我地唔想做～如果你比女人我地既話我地一早做左啦～我地錢都比埋！個大媽好不滿仲係咁鬧鬧鬧

我地同佢講左好耐！咁一係你呢家轉晒女師傅比我地，我地咪做囉！佢又搵唔到女師傅丫....

佢仲話佢係到做咁耐...呢d事情係第一次發生喎！下～我都做左咁多年人第一次發生呢ｄ事咯～

最後我地都係無驚無險地退到＄去左鷺梁津食海鮮！點知又有爆事發生～雖然我今年都去過幾次鷺梁津

無論我介紹定再去都係搵番個間海鮮店！大佬丫！我又唔係住係個到！真係鬼記得條路咩！

間間海鮮店都係咁既樣嫁啦！我淨係拎住個店舖號碼係咁搵，點知好笑既係佢地ｄ號碼唔係連住！

即係80>81>82>88>87>88>101>102！......無言.... 呢個時間有條中國妹問我地要搵邊間，我都唔想答佢

 

佢係咁問！我就話107！佢問無名嫁？我話我不嬲都係就咁搵107！呢個係佢地個獨有店號黎嫁嘛....

 

條中國妹幫我問一問左d亞叔！亞叔又唔明佢問咩！我就自己問亞叔！點知亞叔又唔明我問咩！ｘ！

 

呢個時間中國妹做左個勁ｑ乞人憎歪晒咀pai視我既表情話：107 唔係咁讀嫁～　我心諗你收皮啦！

 

 

107唔係咁讀係點讀？我個時係香港同ｄ韓國客做生意日日都要報價！你話我ｄ韓文唔好？真係想死！

 

同埋佢個樣真係衰到無朋友！如果佢ｄ韓文咁好就唔洗係到拉客賣海鮮啦！睇我唔起？我都睇你唔起

 

去到107個時我問大媽記唔記得我？佢緊係話記得！哈哈～吹晒水咁！之後我地買左當季既松葉蟹

 

大媽話松葉蟹本身比較細！所以我地有5個人可以叫2隻！旦我地打算今晚宵夜所以就無叫到2隻～

 

 

食飽飽我地坐車返到弘大本身想去食chir chir！我揀左弘大西橋洞近3CE個間！因為弘大本店好多人

 

成日都要等位！旦我去親3CE個邊個間一定有位～點知今日一入到去坐底左叫埋野食！個店員無啦啦

 

話我地好大陣海水味，影響到附近個ｄ食客....令佢地做唔到生意喎~希望我地下次先再黎！

 

聽完個野其實我覺得都幾kam 介！因為我地真係食完海鮮去～佢地又真係聞到！旦我ｄ親戚覺得佢地

唔應該咁對待客人！聽聽下都覺得有道理！最多你可以叫我地換位，一係叫用其他藉口！

點可以一黎就話我地有味叫我地走！ｏ晒咀～我同Ｔ同其他韓國人講左呢件事佢地都話呢家野好差！


我地激氣得滯用英文同店員理論～不過店員聽唔明～哈哈哈哈～最後我地去左附近好多人個間

CHICKEN IN THE KITCHEN！好好味～不過講真我地食得個小小海鮮...個身有幾大陣味者？真係唔明白