261 - 比旅行團更緊密

10:00     弘大
11:00     廣藏市場
12:30     首爾站
3:30       明洞
7:00       馬場洞

因為亞e佢地之前跟團黎買過UGB覺得好好用！今次佢地想再買！因為我一次都無跟過團，上網搵左好耐

終於搵到charm charm有得買！仲要係弘大有分店！黎佢地guesthouse 只係5分鐘路程！今朝一早即去

 

買晒野之後我地返左guesthouse放低d野！今日隻狗狗唔show 我！可能見我尋日唔比野佢食- - .....

放低野之後我拎左幾張T MONEY CARD比佢地用！去左CU 入$ 後就出發去廣藏市場！

 

好好彩一入去個到就係順熙綠豆餅！不過都等左一陣我地先入到去食！5個人叫左3件餅仲飲左米酒

本身其實我地今日係去南怡島，不過天氣話會落雨所以一改再改，改左黎呢到！食完綠豆餅之後行左陣



係街市到買左兩盒士多啤梨！就轉戰Lotte Mart，因為佢地個個都買左好多野！我地先返左弘大一轉

去發去明洞之前大家好餓就去左paris 到叫左幾個包食，旦呢到間paris 好gag ，咩野包都無！

叫左幾杯野飲，d冰仲多過d野飲，管都插唔入！食飽行去搭車時見到Diaso～佢地又入去執左好多野

之後再去明洞又買買買！晚餐趕唔切去食任食海鮮～打去個時話要等2個鐘位........嚇死..........

最後改左去馬場洞食韓牛！一開始想食大邱家！點知佢死都唔比我坐正常台，叫我坐地下燒！

到最後我話走人佢先比我坐正常台，不過我唔食佢啦，食對面個間都係一樣！而且位又大Ｄ

食飽飽大家話好攰，分左兩架的士返弘大，期間的士士機好好人，一路揸一路介紹韓國有咩玩！