246 - 韓國White Day 雙倍驚喜

4:00     弘大
8:00     東國大

今日我set好鬧鐘起身為左send MSG 比印尼人，佢今日中午1:00 機！有佢最愛既全州仔送佢機

我Farewell 飯都請唔到佢食....TT！不過佢開心咁Send左全州仔既手製宜多啤利朱古力比佢

同埋一隻企鵝公仔！我同佢呻緊今日唔知我會點？我覺得我咩都無！之後屎忽痕send MSG比靚仔

問佢做緊咩，佢做緊物理治療！原因係佢上年七月比車撞過！到呢家仲腰痛....唉！

佢一路做我地一路傾！3:45 個時佢話，我呢家去緊你屋企，出黎見個面，我好快就走～

大佬...佢15分鐘就到...我牙都未擦！我話我趕唔切，仲要化妝！佢話唔洗化，見一面就走，佢要返工

最後佢十分鐘到左我屋企...我用左廿分鐘汁好個樣...最後落到佢見佢坐住係架電單車上面！

手拎呢盒糖！我忍唔住大笑問佢：Oppa！做咩野？　佢：今日white day 呀嘛  　我：哇哈哈哈

你做咩買野比我？我都無買過野比你　佢：唔緊要　我：勁感動，你真係即走？　佢：係呀，要返工

我：旦我掛住你，點解你今日咁型揸電單車黎，旦要著件大叔外套？（螢光橙羽翁加背狼呀！大佬）

佢笑：下，好大叔咩？凍呀嘛！　　我：你唔係Oppa，你係大叔　　佢：我唔係大叔呀！Oppa！Oppa

返上屋落左個核突妝，我打左兩篇日記就再化過個妝出發去東大搵Terry！未去之前我都同我ｄ fd

賭我地今日一定係去南山！點知真係！我仲話今日一定無花咩都無！點知有收到朱古力！旦係.....唉

唔送好過送！差ｄ暈左係到！因為white day 到到都好多人！我之前book 一間江南既西餐都book唔到

無錯！佢叫我去book！係唔係想打人？我book唔到之後佢先book 呢到！旦7:00，8:00都full晒...得9:00

最後我地係N Tower到食左好耐風先入到去坐！點知比想像中好，旦係野食好少～食左都唔飽！

不過我見在場人人都收花！又蛋糕咁～唉！d仔又切肉比d女！唉！我問佢點解？真係忍唔住！！！

佢話佢會改善！唉！唉！唉！之後佢尋日係大田出差買左我一直好想食既聖心堂比我！本身好高興....

點知佢用保鮮袋夾到屎咁...唉.. 真係做每一樣野都唔合我心意....埋左單出到去想掛個鎖！

點知比人趕！話收工，佢好急咁勾左係人地個鎖上....我問佢咩野料呀！同人地勾埋一堆！佢話唔係呀

係咁嫁！ｘ！係你屎忽！之後我都無咁好氣～由佢～ｘ! 咁就完左我個white day！如果佢每樣做多小小

其實今日會好開心！呢家只有美中不足既感覺！唉！

 

* 靚仔send 比我既MSG～　呢個反而係今日最難忘～I LOVE SUPPRISE