245 - 仁川食飯唱k直落

2:00    弘大
3:00    梨大
6:00    仁川


今日係我朋友係韓國尾二既一日，旦都係我地最後見面既一日！因為今晚佢鐘意個果全州仔會黎首爾

聽日送佢機！本身我想請佢lunch 食farewell lunch！點知佢一早出左首爾站想買pan！

返到弘大仲要幫朋友買野... 因為我一早仲訓緊...變左佢返弘大買野個時我先Join佢！

行行下佢話想搵一ｄ有韓文字既手信比佢朋友！我話咁去仁寺洞！佢又話太遠！我話咁一係artbox！

佢又睇唔岩！之前我其實有叫佢去梨大konesy 睇！佢又話遠！最後我地都係行左去！

其實我覺得都幾近.... 如果有我屋企行去....點知今日由弘大中心點行去真係有d遠囉...

去到我地只係不停掃街！konesy 佢好求其咁睇左一圈.....x......有時我都唔知佢有心買定無心買....

之後等食雞肉串個時，check 一check 電話.. 仁川仔搵過我..旦佢只係send msg 比我問我有無出到去

因為我地尋日約好左今日見面！我打比佢問佢做咩唔直接打黎！佢話唔知今日見唔見好～

原本佢今日出糧！旦係朝早check 過話仲未入數...咁你講到咁...唔通我話你無$！不如下次見咩...

我緊係同佢講咁我比囉！淨係食飯唔做其他野！佢話：要女人比！我唔係呢ｄ style 黎嫁喎！妳幾點到

..... o 晒咀.... 我話我返去化妝搞呢搞路兩個鐘後先到！..... 佢都死唔出黎首爾....唉 !

去到見到佢求其食左間烤肉店！勁平！旦我估我地食左無一個鐘....我比左錢後佢送我去地鐵...

我問佢...下...我咁遠黎到....食個飯就走？　佢：你話既！食個飯就走.....  我：...........唔係40分鐘丫嘛

我地鐵黎都一個鐘啦！　佢話：我無錢，咁你想做咩？　我：唔知，旦唔係返屋企囉　　佢：咁打機？

我：pc room ?    佢：姐姐無野做嫁喎...一係唱k?   我：好！反正我唔唱！你show time！

 

去到我真係睇佢唱左一個鐘！佢朋友係咁send msg 比佢！佢話佢要走！朋友搵佢！仆你個街....

朋友搵你你就倒潟屎咁去，我約你就好似ai 契弟咁！好仆街！你同朋友出去唔洗＄？ｘ你

我忍左！無問！我好cool 咁話咁你走囉~ 朋友搵你就即去～我話你唔好再搵我　佢：唔好嬲啦


呢几個堅好朋友唔去唔得！同埋我走之前想見佢地多ｄ　　我無出聲　　佢：姐姐你放心啦～

第時我一日假，我一返仁川第一時間就搵姐姐！一定！　　我冷笑左一下　佢話星期日我去弘大

到時我地再見啦～　我問佢做咩事？佢話佢要去一去佢亞麻到！我就話知你一定唔係為左我黎囉


其實呢條仔都幾失望！真係唔明佢搵我做咩？sip 時間？返到屋企之後佢打比我問我到左未？

我問佢做咩仲有時間搵我？唔洗同朋友開心咩？佢話佢飲緊４酒！我問club？咁嘈？佢話係별밤

仆街啦！我上網搵一搵！即係club囉！我ｘ鳩你！之後我叫佢send 相比我....佢入廁所自拍...唉