242 - 儒林章魚

6:00      鐘路一街

最近有個香港朋友黎左讀三個月韓文~"朋友"<我唔知可唔可以用呢個形容詞？原因係5年前我係到讀書

佢都有黎搵過我！個時佢介紹左三個韓國人比我識～有一個問左我拎電話之後，話日日好掛住我

後尾佢約左我去山卡啦咁遠既教大請我食西餐再請我飲咖啡！後尾最gag就係佢叫我上佢屋企

你真係當我傻嫁咩？佢話佢無啦啦有急事，可唔可以上佢屋企等佢喎！個時我仲二十出頭佢大我十几年

加上仲結左婚有細路！仲唔係住首爾！真係比人溶左都唔知咩野事！

佢另一個朋友就同我個"朋友"摸手摸腳！但佢地兩個都係結左婚，我都係照我見到既寫係我日記到者

點知佢見到之後diu鳩我，話我唱佢朋友講衰佢！我心諗我ｄ blog友又唔識你！加上我照我見既打炸嘛

之後我無理佢，佢係我考試期間仲係咁提個件事！我個時心諗你都幾廿歲人啦！乜你咁ｘ樣嫁？

大家無聯絡好多年，後尾ｄ韓文同學聚會見番又講番野，咁佢今次黎搵我咪見下囉！

 

唔知講咩講講下又講番咁多年前呢單野，佢話我年少無知就由我！ｘ你～感撚激你呀真係！

我一直都個覺得我無錯，有個句講個句有咩唔岩？好過成日美化晒ｄ野，係到作作作！x！

咁第時自己睇番，呢ｄ就唔係日記！係作文啦！不過我都知呢個世界好多奇人奇事～

ｄ人淨係鐘意睇到你寫自己點衰，你一寫好野就話你作野～覺得無可能～近黎都比個香港人sin 左~

經朋友既朋友口中得知！呢個世界真係好細！講番今晚先！約左個"朋友"出黎食超辣章魚！我其實麻麻

我提議不如食其他，佢又話未食過想試，咁反正都係試下囉！原來呢到RUNNING MAN黎過~

問一問Terry佢都話呢到出名！出名係出名～不過唔好食，第一ｄ章魚係中國產，第二辣到食唔到有味

不過都叫試過囉....食完之後去coffee shop 吹水，佢話覺得我想法好有問題～點解咁快就想唔做野～

其實係人都想唔做野嫁啦！咁都有錯？你夠無啦啦唔做野黎讀兩個月書啦！x！