呢家搞搞下 T 好似星期日唔見我，當然佢好多藉口，尋日已經講明今日要留係屋企做公司野～
旦係我同佢Chat左成日，佢都話佢一直係被窩到，又話唔豬服又乜又柒～都無聽過佢話做野
不過今日係屋企吽吽下，香港朋友叫出去食飯，我同佢講左梨泰院個間野真係堅多人！
佢話唔驚，等下囉！好！點知係巴士到仁川打比我，激我話佢同女仔要出去食飯唔知著咩好～
我死問佢係邊個～佢話女人囉，女人囉～跟住我話佢好衰，有時間同其他女人食飯都唔同我食～
佢叫我去仁川，我話咁你又唔黎弘大？你成日話好近個時～佢笑住話呢家覺得好遠～
我問佢點解無啦啦出去同女人食飯？佢話佢朋友知佢就黎去忠清南道做野～我話：下，人地都知？
我係最遲一個知？佢係到笑話唔係！跟住我都嬲嬲地無佢咁好氣話收線～佢話咁佢換好衫再打比我
係車到一宜同朋友傾計，唔記得左落車....好在miss 左一個站....行番轉頭都成十五分鐘！
去到間餐廳真係要留名等一個鐘！我地行左去梨泰院行街，朋友話佢唔想再行番去因為好凍～
.........咁一開始做咩講你點都等？唉！我話咁一係去食o my thai！出名～朋友又麻麻地
最後無目的行左一個鐘～佢話食炸雞。。我話咁不如食kfc.... diu~ 反正都一樣你話係唔係....
跟住係佢鳩揀既情況下....我話不如去食burger！因為呢間野之前行過又係好多人等，岩岩又有人等
以為一定無死！點知非常麻麻囉！仁川仔再打比我話佢出左門，旦我行到個人火火地
我一聽電話就話收線，佢係咁問我做咩？我話你同你ｄ女女玩啦，打比我做咩？佢話係姐姐黎炸嘛
我話咁你同你ｄ"姐姐"玩開心d囉！佢又講：咁你都可以黎嫁～我：點解次次要我開口？
如果你有心約我你尋日約左啦！咩野叫我可以黎你好得閒？呢家根本係你唔想見我，你無心見！
因為我好大聲講，佢dead 晒air！我問：嬲呀？ 佢：無 我：做咩唔出聲？ 佢：.... 我：喂？？
佢：嗯 我：唉....反正你心情唔好，我心情都唔好，收線啦，你食得開心ｄ！ 佢：咁好啦，８８.......
沒有留言:
發佈留言