11:00 甘川
3:00 南浦
今日本身想去樓下間cocktail coffee shop 到坐下！因為之前上韓網睇好多人勁讚～旦係12:00先開門...
咁無法啦唯有直出甘川！因為釜山仔想食間野係南浦，我地就打算行完先去食！點知一行行左三個鐘...
我地係入口買完份地圖～之後都無跟個map就亂行！搞到miss 左2個印仔~哈！旦係兩張明信片都收到
釜山唔知點解好死熱！好在釜山仔佢成程同我咩晒我ｄ行李上身！如果唔係死硬！
釜山人好熱情咁點我地點行，旦釜山仔好費既就係佢好驚死，咩都驚死唔問！自己估！行左好多路！
行完三個鐘我地餓爆即搭的士去南浦食自助壽司！因為佢話想食日式野....其實我好想食釜山野囉....
不過佢係老闆緊係佢話事啦，最後食飽飽我地去左行街！無咩野岩買，因為首爾都係賣個ｄ野～
最後比我發現一條相機街！因為我之前部x100s 去內臓山時整甩左個shutter button....我一直好唔開心
上網搵又一定要買兩粒同埋比香港貴....所以一直無買，今次比我見到相機實體店即入去問問
點知佢地比左粒Nikon既我！5000 won 一粒都幾平！不過似二手... 旦都好過雜乜既....因為扭得實d
買完我地就沿路上龍頭公園！其實個到有個北韓貨幣館我好想入去睇～旦今次個trip釜山仔講明全包
所以我都唔燧咁好意思用咁多額外$！最後我地係附近影左一輪相就上左去釜山塔！好有北韓feel...
不過影落黎都幾清！係上面hae左一陣見5:30可以差唔多搵Motel！尋日係釜山站個時拎左好多旅遊書
有本日本busan BU既書有Hotel yoja 既coupon！其實yaja係韓國係一個好出名既apps！專提供motel
情報同介紹！點知佢地做做下愈來愈多人鐘意！仲搞埋Hotel！而且設施仲好好！
我地拎coupon去平左一萬！而且仲有早餐，爆谷，咖啡機，熱朱古力提供！真係超爽YY！房又勁大
放低左Ｄ野同手機差左一陣電我地就落去又行左陣街睇下有咩野食！因為中午食Sushi buffet！飽到暈
釜山仔一直想阻止唔比我食....最後我自己几左去叫！哈哈～旦佢竟然叫老闆cancel其中一個...我話唔得
個到人又多！老闆差d比我地玩食！之後ｄ野食黎左！佢暴風吸食囉～一邊話好飽食唔到～旦成碟食晒
其實呢到成條街都好多呢ｄ布帳馬車，間間都話RUNNING MAN 同 2日1夜黎過！我地無揀到呢Ｄ食
因為我估當時佢地都係急住求奇搵間食！所以我地行左一個圈搵左最多人既檔口食！好好味呢檔真係
食完即刻行返去大街買黑糖餅！超長龍！旦真係好好味！原本我地想試埋一間叫FLASK既分子雪糕
點知我地太遲去到，我影門口個時釜山仔又無去排住隊！當我影完行去個時就CUT人！
釜山仔死話佢有排緊！旦我明明睇到佢彈開九十幾里遠～佢話我屈佢！最後我返到黎整理我Ｄ相個時
佢成個人係正我面前入晒鏡行行企企咁！我SEND 番張相問佢！呢個就係你所講既排緊隊？
佢先死死地氣仲兜話：嗯...我都唔知....我都唔記得左.... 咩野唔記得呀？咁當日你又咁理直氣壯？
其實我有時真係好唔明韓國男人點解就唔認錯？捉到正都唔影，一定要我拎Ｄ証物出黎先認～顛顛地～
回程路上食唔到分子雪糕～走左去一人食左串釜山魚旦！有人話好飽好飽～唔比我食，旦自己係到勁食
食食下差Ｄ唔記得去番龍頭公園影夜境！個到見到個鬼仔～佢開心SHARE比我地睇佢影夜景成果！
食食下差Ｄ唔記得去番龍頭公園影夜境！個到見到個鬼仔～佢開心SHARE比我地睇佢影夜景成果！
沿路行番去motel！好方便！之後睇左套戲傾左陣聽日既行程就訓lu！今日去左好小景點炸~
沒有留言:
發佈留言