228 - 釜山4日3夜雙胞胎豬肉湯飯

12:00   仁川
2:00    首爾站
4:45    釜山

之前應承左釜山仔去搵佢，一直拖拖拖拖拖～本身想拖到佢唔記得！旦佢係咁叫我今日一定要去～

我由朝早8:00一直搵藉口...搞到12:00 係富平行左陣先返首爾，釜山仔仲叫緊我去...仲話同我買埋車票

我即話唔洗！咁我自己去車站睇下買唔買到飛黎！我返屋企好急汁左行李～去到首爾站個時望到

之前公司佢地請左人！...... 不過算啦～關我咩野事丫～都過左去～呢家咪幾好！日日唔洗做去玩~超！

急急腳上去本身想買外國人kr pass！因為買3日個隻86000 won！好化算！旦係釜山仔想我去4日....

變左我即場買飛都要50600一個人！去到因為想要平平平！只係去lotteria 買左個特價lunch set 2900won

唔洗三個鐘就到釜山，因為出發前咩都無plan 過！去到釜山仔淨係記得我想食雙胞胎豬肉湯飯！

咁我地就去左食雙胞胎豬肉湯飯～其實如果早ｄ到仲可以去下附近歷史博物館個ｄ野～旦因為5:00幾到

人地收晒工，入到去叫左一份水煮肉餐同豬肉湯飯！我覺得水煮肉餐好味好多！而且又包埋湯飯個湯

好好味！未去之前釜山仔成日都話佢屋企附近有間好好食，咩都話佢屋企附近！.....好煩....

點知佢食完呢到都話呢到好好味！成日講到我好似呃佢咁....超！食飽飽我地去左廣安大橋

之後佢同我去埋ｄ一睇就好落後既motel！又係死都唔聽我講！去到無電腦，無差電，無洗面用品

咩都無！佢仲比多一萬揀左既海景房.....我都同佢講左好多次如果要睇都行出去睇啦...洗鬼係房睇？

佢要堅持我都無法！旦無洗面野真係唔ok囉！佢話佢落去同大媽傾下！我話人地收左你＄！一定唔so你

點知你真係吹佢唔漲！佢退番＄比我地！我即話去我岩岩話去個間！果然去到咩都有齊！又近條橋！

我地岩岩好8:00個時去到遇到燈光show！係沙灘上影左一輪相！成腳都係沙！最後去左便利店

一邊食雪糕一面傾計！因為我地成3個月無見！傾傾下有3個亞伯係前面打交.....我估佢地有70歲

無70都一定過65！成頭白晒塊面好多紋個ｄ.... 估唔到佢地仲咁好火！玩爆燒酒樽～仲打到流血！

之後Hae左陣我地本身想去飲cocktail！旦係我無咩野mood！我話返上motel plan 下聽日個行程仲好啦

釜山第一日咁就完左！好可惜呀！