D4-北韓美軍間諜船普韋布洛號

17:00　　美軍間諜船普韋布洛號
18:30　　學校參觀


補打2012.8.29 Part 4



普韋布洛號本身係一隻美軍既間諜船，旦係1968年個時係日本海執行緊任務個時

比北韓方面攔截同埋以非法入侵北韓領海為理由將船員拘留同將普韋布洛號帶走

跟住最離譜既係，北韓話由於在事件中普韋布洛號無聽從北韓既命令，突然用槍掃射普韋布洛號，最後多人受傷

一名船員死亡，經過外交談判，同年，北韓以釋放人質為交換條件，要求美國撰寫一封承認錯誤加保證不會再犯既道歉信

北韓收到封道歉信之後只係將ｄ俘虜交番比美國，而普韋布洛號仍然扣留係北韓既大江同邊比人參觀

北韓仲將封英文信翻譯左做韓文，而船上都加左部電視，係咁話要打到打倒美帝國主義！

美軍有几咁喪盡天良，几咁毒，殺左我地北韓几多子民，仲係分開南北韓既罪魁禍首！



由密窒聽完三十分鐘之後既演講！我以為我會窒息死，唔明個哥哥仔點解仲可以著長袖TT

之後我地跟講解員上左二樓舺板，展視左北韓開火射美軍時ｄ子彈lone等等，因為我無心機聽

 

我就落左船同導遊個ｄ係出面等，等個時又影左ｄ街景～



今日最後一站就係去附近食自費冷面（15蚊人仔），去到個時發現有北韓人係個ball room 到食緊飯



見到我地d遊客入黎，明明唱緊KTV既佢地，都無啦啦收聲走人....

睇ｄ佈置有可能今日有人結婚？因為好多花個ｄ野全部未拆

 

 

下面呢碟肉好驚（북한 스타일 갈비찜），唔知點解好難食！講唔出佢係咩野味？同ｄ肉好難

直頭我覺得我自己好似食緊ｄ有問題既肉咁？我食個刻覺得唔係牛同豬，反正好怪！




泡菜我估都係同酒店個個同牌子，同一間廠提供，北韓ｄ泡菜非常好食！如果大家有機會去

一定要係酒店個手信店到打包一ｄ走TT～最後一樣到自費冷面，成晚最好味係佢！




由於團友個個都知我識韓文，佢地食冷面個時想拎辣椒丈～又係叫我去拎～推我去死亡邊緣

每餐都一定會送既水，啤酒，面包，有時我諗，台台都開三支酒，飲唔晒，佢地點搞？點解唔飲一支開一次？



今晚又係好早返到酒店！北韓既最後一晚，終於可以發力入貨！買左好多本學北韓語既小書仔！漫畫書！DVD等等

落車個時，問導遊岩岩車播個隻CD叫咩野名，因為好好聽，女導遊話佢唔知...旦又唔上車同我地睇下個CD封面...唉

係北韓旅遊就係咁嫁啦！問十樣九樣都唔知，點知入到酒店！其中一首歌既純音樂響起！我地即沖去書店問有無得買？



書店大媽聽唔明我地ｄ中文，最後我已經括左出去！一輪韓文咁問佢，仲同佢講價！哈哈哈～個人刻既我可能已經顛左

不停挑戰北韓市民～大媽問我地係邊到黎，點解識韓文，今晚係唔係最後一晚～因為呢個大媽，我其實覺得北韓人都几好人