101 - 超好玩的海鮮烤貝 沙灘的珍珠

11:00  梨大
3:00    光化門
5:00    東大門
7:00       新沙



今日本身約左朋友10:00 出門，旦韓國真係無咁早開門....尋日又同人傾到4:00先訓

今日起左身搞好晒所有野都成10:40，跟住行左去梨大食左kimbab，魚蛋，餃子個ｄ野



之後又去左買衫，本身係konesy睇中左個環保袋，旦我鐘意個ｄ色配個條帶又好唔夾

所以無買到....朋友反而買左兩個！之後行左陣去左dunkin到坐底飲左杯野～



我就同左一個人web cam左一陣～一ｄ都唔靚仔，仲話自己似李丙憲！救命

同朋友上左一陣網就去左光化門hottrack，因為佢想買文具，之後再去左清溪川



再慢慢行左去東大門，係doota行左一圈！比我搵到之前係ALand買個件西裝嬲佢賣12萬！

  

我係ALand都係8萬炸！我覺得好抵囉我買得！之後行到攰上左food court坐～

再坐巴士入左江南食烤貝！呢間野我想試好耐～佢搞笑在成間店既店員都係著軍服！



同埋店入面寫住如果你著著韓服前來用餐，即可享受7折優惠；女性光頭顧客前來用餐，享7折優惠

後空翻三次後入店用餐享7折優惠等等～我地入到去個時，佢地已經好ｈｙｐｅｒ係咁問我地係邊到黎？



之後最好笑既係我想影佢，佢擺晒ｐｏｓｅ，又沖過黎同我合照，無啦啦又去拎個紙牌入黎用佢自己電話影我地



不過呢到ｄ烤貝真係好好味！可惜在佢無得refill....食完都唔係好飽～



我地旁邊個台有對男女，一路食一路係咁摸手仔....係摸得好勁，卒到就甩皮咁....

  

之後我fd 話多謝我陪左佢咁多日，請左我食呢餐～正正豬！好感動～之後返弘大行街



有個拉人入pub個靚仔叫住我地，我fd 嚇到彈開左，個靚仔仲驚，大家都窒左一窒～



因為我地2個都唔飽，本身話去食炸雞～我d 驚太油，最後我地去左食埋個ice cream waffle就返屋企lu