2:00 北村
4:00 仁寺洞
5:30 弘大
7:00 新村
今日佢話要同哥哥見面，所以我一直等佢電話，而我就去搵香港朋友～
尋日我都係見見下朋友撇低左佢去見仔仔！有異性無人性就係我呢ｄ人？哈哈
我地一早出左去明洞換＄，之後去左買平衫，又行下化妝品店，最後去左王妃家食埋晏
食飯個時send左msg比條木咀....之後就返左去弘大放低ｄ野，就又再出去北村
人超多！係北村影左幾張相，再去左三清洞，再行落仁寺洞個時天色已黑
拿拿聲去左傳統茶園坐低飲左個茶！之後愈坐愈凍我地最後就再行下仁寺洞
返左去弘大拎鞋，再去埋3CE 買野就去左新村食烤肉"肉類倉庫" !
呢到d 豬肉全都係用新鮮豬而唔係用雪豬～所以肉質食起黎會比較好
都係新村出名既十大好味店舖！其實本身今日黎韓一百日我係plan 左去酒店做spa
再去新沙high tea！同shopping！TT～今日都無食過Ｄ咩野好野！
不過有香港朋友黎都好開心～我地係咁講尋日我同505 D 野比佢聽～佢聽到唔想聽
好好笑！食飽飽本身個FD話想食魚旦，旦後尾佢好急，大家就沖左返屋企去廁所～
沒有留言:
發佈留言