北 韓 鐵 幕 之 旅 4 日 3 夜

由唔知幾時開始，北韓已經成為左我一定要去既地方之一

唔知係唔係因為鐘意韓國既關係，所以對北韓都好有興趣

加上聽聽埋埋北韓既傳聞令我更加想去～

例如好似上面呢張相咁，就係我睇新聞時見到既『南韓三八線影過去既景象』　

好大對比，亦都係呢張相，搞到我好想去北韓實地考察下

第二個原因，係因為我好想親眼睇阿里朗萬人大匯演
（有傳今年係阿里朗最後一年）


Anyway啦！有種種原因，我終於係今年有機會去呢個神秘領土啦

公司韓國同事聽到都覺得我好奇怪，好揀唔揀，揀去北韓？

我ｄ屋企人聽到又覺得我顛顛地，佢地話我玩到無野好玩，去玩命

到去旅行社買機票個時，個職員問我地去到咁偏，好可憐，問我地係唔係做義工



亦正如，我零七年個時決定去韓國遊學

K Pop 仲未流行，韓劇都仲未日夜不停播既時候

個時都係人人問我：『下，去韓國讀書？』『點解去韓國？』『韓國好鐘意打人嫁喎』
『韓國好大男人喎』『韓國好有咩好？日本仲好啦』


。。。可能係你自己經歷過而作出上述結論都唔定？！

又可能其實你都只係，ｏ係唔知邊到聽番黎

不過我信我自己親身經歷多ｄ



「別人笑我太瘋癲，我笑別人看不穿」

希望無穿無爛，十日後返黎再打我今次遊記同注意事項～

（８。２４－９。２）