365-同胞!!回歸啦

3:00　　新村(8號出口直行)

補打尋日
尋日約左Pion 1:30黎我個邊幫手拎ｄ野去佢屋企暫存～點知執執下都比我執左一個大紅白藍
又去寄多10kg野返HK...我真係唔明點解會愈執愈多野出黎...Pion黎到我都係發覺無可能坐地鐵
所以我地就搭的士去佢屋企～好彩比我預期搭的士都唔係咁貴...旦我地搞掂晒ｄ野都接近3:30～

今日既Lunch就揀左一間，講左幾個月食都仲未食到既"企係度食既韓燒"！呢間野已經有55年歷史
以前因為南北韓岩岩休戰，d人都係拿拿臨咁飲一杯酒就走人，所以先設計成企係度

 

     
呢度全間鋪只得一款食物，就係牛肋骨～一入到見到在場ｄ火爐都已經燒紅晒～
大媽就問我地要幾人份～其實我地開頭都有ｄ擔心晏就去會唔會無得食？！

 

     
因為見韓國平時ｄ烤肉店都只係開夜晚～旦呢間野就係中午12:00就開始有得食～

 

開頭佢一放低個2條牛肋骨都ｄ驚訝～因為我無諗過佢係腌左，同埋比你沾個汁都係蔥汁～
如果唔食蔥既人黎到就無得食啦～哈哈！同埋呢度食蒜頭係有一個好特別既做法～
就係叫大媽將ｄ蒜頭放入ｄ蔥汁入面滾熟佢食～而蔥汁本身好甜，所以好好味～

 

 
大媽過黎幫我地剪完ｄ肉，我以為佢會幫我地反埋～點知佢剪完又唔交低聲就走開左～
我地仲一心等佢黎幫我地反肉...所以ｄ肉燶左好多呀！！激死人呀！同埋呢度反肉又無夾
要用自己對快子～雖然係咁，旦呢間ｄ牛肋骨我覺得好好好味～我地最後仲加多左一次單～正

 

今日係我係韓國既最後一日...由於我今日朝早都未執完房既關係，所以我擔心到Lunch都無食
加上Hand Carry有4件，我真係驚人地唔比我上機...本身有d同學問我洗唔洗送機～

 

旦係我都係驚觸景傷情...都係叫佢地唔好黎～點知佢地話真係好想黎送我...睇我點喊喎～哈
所以黃金同個神話Fans就去到我屋企幫我拎野去機場～不過好彩佢地黎幫我炸...
如果唔係我都唔知點拎ｄ野去呀...加上我可以將我ｄ物資比晒佢地～感覺無咁浪費～太好啦

 

去機場既途中我係完全訓唔到～唉～好複雜既心情呀...去到排左成30分鐘隊先到我Check in..
排個陣一直期望住佢比個男職員我就好啦！因為我行李一定Overweight...而我覺得比個男人我
會容易ｄ唔洗比罰款...點知唔係囉...我行李先得個26.9，點知佢話唔比我過～除非我拎番小小出黎

 

我話我真係拎無可拎！大佬...4袋Handcarry 喎...仲要唔知比唔比過...點拎先？！
佢話咁一係罰小小＄，咁就算喎...好在佢只係罰左我0.9kg = 7100 won ～呵呵呵

 

     
去完B20罰完$，佢先出機票比我～拎左機票就同朋友去左食BR，我就提早入閘啦～
因為我有張外國人登錄証既關係～過境個陣要還番比佢，我驚個度要用好多時間～
旦過韓國海關勁勁勁嚴！因為x ray見到我散子包入面有個鐵既鎖是扣～個女人話唔比我過

 

 
另一個海關人員話算啦...咁先過得...我係HK黎個陣都無野...真係搞笑...入到去Dute Free
買左個黃真依Kitty～咁就坐低左睇佢地比我既信～唉～真衰格...T^T個個都寫到好感人
我一路睇已經一路忍住..旦最後睇多幾封信都係咁喊～對面Ｄ香港旅行團見到我一定以為我係傻
 

點解我返香港就返到咁痛苦呢？！哈哈～之前咪話我Lunch無食既...一上到機派飯我就勁食
我身邊個澳門人(係美國住，韓國轉機)話因為ｄ飯入面太多唔知咩草，唔敢食～
佢問我點解可以食到咁好味咁？！哈哈～真係搞到我都唔好意思...我真係勁勁勁肚餓...