點知去到先發現其實關島D野好貴，話就話係免稅國，但d 野點睇都唔似免稅囉
由香港去關島要飛5個半鐘，時差同香港差左２個鐘，不過佢地當地wifi 係勁雞....
我同傻仔每晚都要web cam...旦係去到關島之後，我地每晚都係一連上左個畫面就hold左係到
係關島落左機我地就坐的士去酒店，唔夠十分鐘既路程已經要25蚊美金，加上"美國"地方
坐的士仲要比tips ... 不過tips 呢家野真係好隨意，你夠膽可以唔比，而我地只係比左10%就當了事
去到酒店check in 左，發覺我地下面就係JP SUPERMARKET ，仲有mini convenient store
係樓下行左一陣，我心急想去睇埋chanel ，因為個個都話關島chanel 好平好多款
咁佢真係比香港多好款，最小我想買既粉紅色貨佢最小有４，５個選擇，只不過無金扣
而每個袋既價錢反而比香港貴2000 - 5000 不等，反而LV 就真係比香港平2000 - 4000
但係佢又係得番個DISPLAY .... 睇黎都係無緣.... 我見韓國人同日本人個個買到好開心
最後我只係買左一支限量版香水，而比香港平左$200 ... 我出發前其實忍唔住係香港都入左手
咁而家可以一支儲一支用 XD ，行完都成8:30 ，係時候出發去食晚餐
本身想話去食DOS 再去埋對面24小時K mart 就完成左我地第一日既行程
因為落機已經係當地時間 5: 30，拎的行李過埋關已經7:00，點知去到發現DOS 收左....
方圓十里都無野食，只有超市入面既little caesar ... 野食唔係難食... 旦係咁既環境...
仲有第一餐就食d咁既野真係好失望.... 食完入到行k mart ... 覺得好貴...不過上網d人話呢到已經係最平
話晒只不過係第一日到 ... 買左500 蚊就走人，聽日再戰～
沒有留言:
發佈留言