6:00 新道林
起左身覺得無咩野做就落左去超市行，唔知係唔係我地個到太舊式住宅定點...
佢菜市場入面個超市賣d野又唔平...又怪...我次次去只係買到大弄芽同公仔面
薯片個d又無特價....款又小，就算罐頭都好似無咩款咁（唔知係唔係環境問題無心機睇）
總之次次入到去想買ｄ野食下都無既感覺....今日買左d腸仔，益力多，西柚汁個ｄ野
上到屋企再煮埋最近好ｈｉｔ既炸醬王已經成身濕晒，呢間屋又無冷氣又得一把風扇
夜晚有時真係熱醒...不過又唔洗$...無得嫌咁多...食完玩左陣電腦沖埋涼化好妝就出左去搵傻仔
我地搵左個中間位等，就係新道林....本身話等埋再一齊去野餐，點知一見到佢就話
個天想落雨，不如附近食就算啦...... 哇....突然奇來我無搵定有咩好食....
我本身話改弘大啦，佢話求奇附近食咪算囉....我真係唔明....唔搭都搭左車啦...
去遠d同去新d都係要去，好食唔好食都係要食，咁點解唔去食ｄ人地食過話好食既店
係都想是是旦旦食完就算，佢話就話唔想我咁辛苦走來走去....我一ｄ都唔覺食野會辛苦囉
不過我費時咁黑人憎，咁半推半就係新道林落車去左食呢間噴火烤肉。。。。
其實個時同永表一齊個陣...佢屋企樓下就係呢間野既一號店....個時成日話同我去食....
食到分手都未食到....到分左手無動力去食既其中一間鋪....咁岩呢到有佢既分店就去左
點知我地睇住地圖都搵錯左鋪，個間野同呢到差左一隻字咁多，奇就奇在字體都一模一樣
我地仲樣衰到一坐低就叫左野食先發現唔係我地搵個間野黎，即問個人可唔可以cancel
其實問緊個時，我地e經拎起晒野出門口，最後搵到呢間真正噴火烤肉
食飽我地本身去左商場想食刨冰，點知太飽我地就行左一陣佢又話去附近漢江行一陣
之後坐左係漢江e yup左一陣就返屋企lu～今日收到小禮物，我之前同佢行olive young
話支牙刷好得意，今日佢買左黎比我～好like～不過個頭好細唔係咁慣，但d毛幾幼唔錯
沒有留言:
發佈留言