254 - 係時候整理一下

6:00    回基



今日d M終於黎左！搞到我一早起左身！係我岩岩黎韓國個時，我曾經係naver 個到留過言比一個女人

因為佢想學廣東話！點知佢過左大半年前睇到我個MSG...！早幾日send MSG比我問我仲係唔係韓國

之後我比左Kaotalk ID 佢叫佢ADD我！佢今日一早十點就SEND MSG 比我！問我几時得閒？


我約左佢下個星期一去光化門見面！之後上網睇左一陣漫畫又訓番！直到2:00 T send MSG話佢食緊飯

其實佢早几日都同我講左佢今日公司有Team build！成間公司既人都要出去南怡島個面玩遊戲！

我其實好唔信佢，佢都知我好唔信佢！佢有問我點解唔信！旦講真你個個星期都有藉口我真係好難信

佢話一陣6:00 黎接我...我問佢又揸左車？佢話因為7:30 要去到清涼里！所以佢無法！一定要揸車

呢家架車放左係回基！...咁我話我去回基搵你...因為我又驚佢一陣唔知搞咩又遲到！點知我遲左出門口

去到6:00，不過佢又唔聽我電話...唔知佢搞咩...最後我叫佢站口黎接我！勁懷念！個站口！唉


見到之後我問佢著皮鞋佢行山？佢話唔係我想像個ｄ！我緊係唔信佢啦，我問佢今朝見左第二條女黎呀

佢話無！其實佢比相我睇咪得囉，唔明佢仲咩講咁多野！如果真係去左一定有影相啦！（之後有比）

佢問我想食咩？佢話我成日同朋友食好野，又唔同佢去食！大少呀！我次次話食你一係話遠一係話乜


我問佢有無野想食？怇話想食曲奇想食既野！我話一係東大門海鮮鍋？一係梨太院壽司？

再唔係麻甫肉餅~不過太遠呢個！佢話係啦！我問佢問你想去邊區？佢話：今日係回基食～

我即刻顛左：咩話？又回基！唉！無話可說　佢：做咩做咩做咩？　我：唔想講野，你鐘意

佢：做咩，講出黎我先知個問題　　我：講咩者？要講都講晒啦，你反正都唔聽我講咩嫁啦

佢：.... 我几時有? 我覺得你誤會左我講咩   我：無誤會！你成日都有你自己個套嫁啦

佢：几時？　我：你次次都係問完就算，你問黎做咩？你想食咩味食咩囉　佢：你想去梨太院？

我：唔！係！呀！你根本都唔明！唉　佢：咁係咩？　我：係我覺得你如果唔係想做個樣野

你唔好問我囉！　即係我問你想去邊旅行，你話去歐州，我答你：好呀！咁呢家買去中國機票

你到底明唔明我既意思？？？　佢：我唔係呢個意思　　我：我唔知，求期搵ｄ野食啦，好煩

佢：唔好，今日一定要搵你想食既野　　我：都！話！求！期！咯！好煩呀！唉！

之後佢想同我求期佢一間！唉！煩死！乞人憎死！我真係唔想食就返屋企！唉！唔撚知！好煩

最後見佢求撚期揀！我話咁一係食呢間意粉算！唔想行！呢間野以前我食過好几次，出名好食

佢都好鐘意呢間野！旦其實我唔係咁想再食西餐！唔知！好廢總之覺得佢！好煩！好嬲！唔識講


之後佢suggest 去KTV！我問佢今日返唔返去訓？佢話今晚要同我一齊（佢想平息我Ｄ火）

我話咁唔好唱Ｋ直接去Motel！最後搵左間好鬼梅....又唔係平既Motel....其實我真係好唔明佢諗咩

唔洗諗咁多！我地係清白！去Motel唔係一定要搞野！加上我黎M！唔理你信唔信，呢個係我日記