點知今日起身個時又屎忽鬼唔想食其他野！於是又去開火炒豬肉！成頭，成身都係油煙味....
成朝係屋企唔知做左咩之後！時間咁上下我就去左沖涼化妝出去！原因係印尼朋友走左～我日日好悶
之前上網搵左ｄ外國人聚會！咁我就apply左！朋友話佢要留係屋企收貨唔出得去～咁我就一個人出
預左九個未出門以為一定有時間淨！點知唔記得要等車，放工時間又窒下車， 去到仲要過左站...
哈哈！不過上到去買埋野飲都係遲左十分鐘到？登記左個名之後職員就帶位！第一輪仔仔係細我一年
去過澳州working holiday既警察！一坐底佢懶fd問我做咩咁遲？我等左你廿分鐘（佢用美文）～
旦其實呢個programme 係講明幫外國人講韓文，佢唔應該同我講英文....旦咁岩岩見面..無計...硬食
我話因為你早到！唔係我遲 :) 之後大家吹左陣水問大家家鄉係邊呀！佢係釜山，旦呢家係首爾住
blah blah blah 講左一大堆野～佢問我有無鐘意咩野明星！我話亞rain 同FTI！旦我唔係瘋狂FANS~
佢話佢鐘意朴孝信！我個一刻我諗我個樣衰到無朋友！我好大聲PAI視佢：AAAAAA！講！大！講！
佢GAP笑左一野！我再：AAAAA！HYUNA？SNSD？sistar？ 佢忍唔住再GAP笑！ 我話佢扮純情
佢係到兜：咁其實大韓民國既男人都一定有鐘意GIRL GROUP!旦因為佢地既performance唔係因為其他
我再：AAAAAAAAAAA !!! 唔係條腿？ 佢扯開話題問我：英文＂걸그룹＂係咩？ 我比佢拋一拋！
我都窒左窒話：GIRL GROUP咪GIRL GROUP！佢話英文應該有第二個叫法.....
我話TELEVISION又係TELEVISION，RADIO又係RADIO！GIRL GROUP都係GIRL GROUP呀？
佢好質疑我！ 我話：唔緊要！我明喎！ 係呢個時間第一節完左！Break 一break！轉partner！
第二個仔仔都係由人帶佢黎！衰ｄ講句，第一眼覺得佢有中度智障咁既樣！拿！我唔係奇視佢！
我只不過係形容一下我第一個感覺者！佢一黎唔知發生咩時，係個七十年代公事包入面
拎左本黃頁咁既英文小說出黎一野pat左係台面！我以為同佢玩緊耡大Ｄ！佢要拎Ｄ咩出黎晒我冷
之後本黃頁咁既英文小說一直放左係台，我連個題目都睇唔明！旦本書上面ｄ公仔一定係講戰爭/革命
佢去屙左篤尿！返黎個時就介紹自己佢係澳州讀左十年書！今次返黎係因為佢要當兵！
旦佢想做軍入面既Translator！所以佢返到黎都要好努力溫書！因為要考試！blah blah blah！
佢話英文佢唔係問題（講個時，講想像佢用一個超自豪勁衰個樣，個下巴拉長到點到佢JJ，仲搖晒頭）
重申講多次＂英文唔係問題！＂韓文先係問題..............我無言了個一刻！佢發音係有小小歪歪地！
旦我唔知係因為佢真係有''問題''而發唔到正常音，定因為生活左十年而發音唔正常？
旦佢講野唔LUK CUT嫁喎！用Ｄ單詞都唔係淺嫁喎！唔理咩野原因！佢話佢都係因為想學韓文而黎
途中唔知點解要拎佢身分證出黎比我睇，又比佢澳州身分證我睇，又比佢學生証我睇！X！
比埋戶口我睇丫苯！講講下佢講到北韓！中晒我個飯，佢話佢係澳州個時識左個脫北姐姐~佢14歲個年
佢亞媽先跑出左北韓，由中國去左泰國再黎韓國申請備戶再去澳仔！個姐姐14個年都打算跟佢亞媽條路
點知比人捉到左，入左勞改一陣再送左去孤兒院，佢話係孤兒院個時日日見到門外有好ｃ體～
旦ｄ人無野咁嫁喎～就行過！有人行行下訓左係到都唔會有人理！個姐姐覺得佢一生唔可以咁
反正都係佢又再脫北！今次好在比佢成功左！我問個傻仔，脫北好大罪，唔坐十年都八年
你d親戚都受hin 連嫁喎！佢話因為個時個女仔未成年所以無事！旦係我之前睇書唔係咁講嫁喎～
anyway啦～傾到呢到2 nd round 都完左，host話你地仲想下場既話可以係樓下等埋一齊去旁邊d pub
不過我見都9:30！一個人係梨泰院太夜走唔係咁好！我又唔鐘意飲酒～咁就一條友返左屋企叮野食lu！
沒有留言:
發佈留言