231 - 釜山太宗臺，國際市場油豆腐魚蛋

11:00    南浦
1:00     太宗臺

因為尋日落左一日雨既關係，我地去唔到太宗臺同埋二技大個到影相...旦今日我要返首爾又趕唔切去晒

兩個地方！最後揀左一個去過既太宗臺又再黎！去之前我地搵緊西面有ｄ咩野食！後尾比我醒起

我之前識另一個釜山仔個時佢同我講過釜山有個好特別既野就撈薯粉！之後上網搵搵下出左個油豆腐

兩間野好近都係好出名～所以我就話不如去埋！估唔到南浦咁多好野食！去到國際市場釜出仔又唔識路

我叫佢問人，佢死都唔問，話係附近，行下就到，大佬，條條路都咁上下，點行行下就到？

之後我地兩個又鬧交，我問佢咁呢家你係唔係唔問丫？你要我去問？佢話你要問你就問～ｘｘｘｘ！

 

最後搵到間野，未黎前講明一碗兩個人食！佢又無啦啦食左屎咁同人order 兩碗！即比ｘ！

 

如果食兩碗一陣仲點食野呀？不過好在黎左！超好食！佢個魚蛋湯！平時我好憎食韓國魚旦～

 

 

旦係佢呢到個ｄ唔會好軟拿拿～又入味！佢個舊油豆腐入面仲包粉絲！正！呢到仲有冷凍油豆腐賣

不過因為我又唔係即返首爾，所以我都無買到....sad....食完即轉個彎去食撈粉絲！

 

 

成間野門口有勁多廣告！一入到去就覺得好唔尋常！個店主有嚴重自戀同拾荒既嗜好！成間野入面好驚

我地叫左一個撈粉絲同一份kimbab！好普通！兩樣野一ｄ都唔好食！試過就算！



之後沿路行去巴士站我見到ｄ士多啤利勁大！我同佢講不如買去太宗臺到食！佢又話乜又乜....

 

ok....咁唔食囉.....最後我地仲去左lotte mysuper 個到睇下有無釜山特產～例如busan 牛奶同燒酒



哈~不過我淨係入去影相同行下咩都無買！之後行左一陣我地就去左巴士站坐車上太宗臺～



點知架車行行下，比我地見到영도대교升起左～個個係架車個到影相！釜山仔話平時係釜山

都唔係成日見到呢條橋升起！唔洗一個鐘車到左太宗臺！旦係以前我係到遠影過一個遊樂場已經無左

加上我個G10 由尋晚開始已經無電！.... 我得番個X100S 又Zoom唔到... 最後好在都捱到一半.....

本身我地想搭小火車行一轉～點知個到話因為人太多！要等40分鐘先上到！我問咁行要幾耐？

 

三十分鐘就去到look out！咁我緊係行去啦～反正又唔係夏天！釜山仔話等四十分鐘因為佢唔想行....

最後我話想行下影下相～沿路一邊行一邊食一邊影相，其實都幾好玩！最後我地成3:30 先落山！

有直車去釜山站，因為釜山仔話要包我回程，所以我唔好意思叫佢買ktx！我就買左無窮花~

 

5:30 先上車！我地行左去便利店買左ｄ手信！之後去左lottria食野！佢本身話一個餐兩份食....

我話你比左咁多餐....呢餐我比啦！點解要叫一個餐兩個人食...我一陣上車會餓死....

上左車之後行左兩個鐘到無啦啦講爆玻璃！又contact唔到總部...我地架車delay左4個鐘.....

 

車上既野食又賣野，水都無....人間惡夢....我咩野都無準備就上左車...個一刻真係覺得個小小$唔慳得

 

 

如果我坐KTX.... 我7:30就到左首爾....仲可以同朋友去食Dinner....最後零晨2:30到首爾....

 

仲要去排隊搞refund.... 因為佢地delay太多...我可以拎到全數refund....旦之後我問佢地咁我呢家坐的士

有無得claim？佢話無！下！我的士都成萬won！你退左個張車飛都cover唔到我d咩野~

 

旁邊d韓國人都話有無搞錯~個合都好激動咁係咁diu d staff ！之後D STAFF 仲勁....佢叫我地等到5:30

 

 

坐第一斑早車走..... 即係再等多3個鐘....? 我彩佢都傻！去到的士站～因為好多人搭呢班壞車...

 

的士站又係多人到不得了.....好在我醒目行左去對面馬路！一黎就節到！如果唔係個到又等一個鐘...

 

最後我回程一共用左9個鐘.................