7:00 梨泰院
今日同Terry明明約好左11:00 見...點知佢話佢亞妹病左要車一車佢去醫院，所以要遲一個鐘先黎...
係路上又話窒車，又乜又乜... 差唔多一點先到我屋企...最後佢又揸住佢架車漫無目的咁開～
之後我話反正無野做，一係去遠ｄ！佢成日話同我去邊去邊一次都無去到，今次我話去仁川
一係去烏耳島食海鮮？反正揸車都係一個鐘就到！....佢口就話好，無問題！點知佢無去囉
就咁無啦啦唔知點解去左木洞！佢公司未搬之前既舊址！.... 亦都即係永杓屋企附近(一個站到?)
諗左好耐唔知想食咩，佢講個ｄ我又唔想食～最後我堅持話咁呢家出車去烏耳島～佢係好亂既底下
話有間食石燒鴨既地方好出名，而且好特別！我一聽到石燒有ｄ心動！最後去到完全勁鐘意～
第一我鐘意古怪野，呢到一入黎真係好岩feel！因為ｄ石燒位好可愛！T 為左我叫左唔辣既鴨肉
但我其實好鐘意食辣野，我亦"以為"我自己食得"勁辣"！點知同佢出左去食好多次野我不停勁叫辣
哈哈～佢話佢唔食得辣...反而次次清晒...所以我比佢介定為唔食得辣...不過唔緊要！鹽燒都好好味
個set仲要包好多野！又芝士飯，又面，又粥，又湯，又甜品！好amazing！食完之後我地無野做～
去左motel 個到抖左4個鐘～好平～都係20000 won 4個鐘！旦最驚就係..我地去個條motel街....
沿路我一直話好熟面口喎附近！佢話外國人無可能覺得呢到熟嫁喎！點知一去到！我就知咩野料！
就係永杓個時成日帶我去既個條街.............之後我地上到去，佢就訓左，我就睇music bank 同玩電話
佢話不如夜晚帶我去梨泰院睇live brand同埋佢想去uniqlo 買white shirt for 聽日present！
之後自己又反口.........話不如係木洞食解酒湯再送我返弘大！我話我唔想食解酒湯同埋呢家一d都唔餓囉
之後佢話咁直接去弘大！我話唔得！如果你送左我返去，你一定話無位泊車勁快走！我話去梨泰院！
最後出到去好好好多人！我地好難先搵到位泊車！之後行晒成個梨泰院搵野食....第一我地無plan...
第二唔餓，第三好q多人！我地行左1.5個鐘到..最後去左食泰國野...入去個時都9:00 幾～人地last order
我地拿拿叫左２個菜食完就走人，一出門口見到有２個超小布好正既韓妹出"lip"！佢地迎面用韓文話：
ssi bal ! 我第一次去呢d party~ ssi bal！ 跟住就行左上上一層，我同T o 晒咀！因為好好笑～
佢地雖然爆晒粗～我問T 咁即係好玩定唔好玩呀個party？Ｔ話佢都唔知，不過應該好好玩喎～
因為個條女伸晒手入件衫到整個BRA！之後T好似上左身咁沿路係咁扮個２條女D動作同爆粗～
之後去左softtree 到食honey milk soft ice cream！呢到果然係總店？比弘大好食好多！
我地行左一陣就去左拎車！好快就返到弘大LU！印尼朋友成程不停SEND MSG 比我話佢聽日黎首爾
問我好唔好，我話你想咪黎，我唔會同你搞，佢話咁淨係錫同攬住訓得唔得？我比左個MSG T 睇～
佢話呢Ｄ完全係顛佬，叫我Block左佢，佢話佢唔明我點解唔block佢！我話因為係朋友既朋友
佢話咁一係佢幫我打電話x佢好唔好？我話睇定ｄ先！最後返到屋企我無理全州仔，反而同仁川係咁傾
其實本身仁川想同我今日見，佢請左病假，我因為同T 出去無見到佢，一直推到聽日～
最好約好左聽日12:00係仁川見～旦我想放飛機！旦佢為左聽日見我今日仲去左剪頭髮同染髮....
沒有留言:
發佈留言