213 - 自選馬鈴薯泥

3:00    弘大

4:00    金浦

7:00    弘大

今日起左身之後約左印尼人去食Lunch！之後去左我好想試既地方！就係係正弘大大路既自選馬鈴薯泥！



入到去有台英文人！估唔到佢地有英文Menu！個店主仲識英文！朋友叫左個牛排！我叫左個雞扒！



真係幾好食既！食食下我話今日件衫之前去金浦個到買，3000 won 好抵！佢話佢都好想去！







我話咁一係今日啦！反正我都要出去拎個袋！之後佢話反正都無野做！就真係同左我出去～哈哈



不過去到佢淨係睇Pull n Bear .. 其他shop 全部都唔睇.... Lotte mart又唔行... 佢問我呢個商場得咁多?

......咁我都好難做嫁喎！你樣樣都話唔睇！之後我地想去I.C 到問下附近仲有無商場！



點知Korea Grand Sale 有野送！一人一SET 紫菜～最後我地去左OUTLET個到行左陣！





佢同我買左件一樣既背心...我就買左件外套！之後就返弘大放低ｄ野再去左食辣八爪魚！好耐無食！