204 - 韓國年初一

3:00    明洞

今日12:00送走左Terry，一個人係屋企HAE爆～新年流流唔知去唔去南山谷影相好～本身想煮個公仔面

點知考試院老闆個亞媽黎左煮年羔湯比我無回鄉既人食！大媽仲話廚房有兩個男人，問洗唔洗送黎我房

我話唔洗～咁我一陣出去食啦，過左半個鐘到代好妝，廚房無晒人，大媽筆左個勁大手製超難食餃子



同一堆年羔同牛肉比我！多到食唔晒，旦佢要我坐係到同佢一齊食....TT 個感覺好痛苦！真係好難食

不過人地一留心意，煮得個小小都比左咁大碗我...我又唔好意思唔食....最後我含住個粒大餃子去廁所..

之後同ｄ韓國朋友chat左好耐，我最後都係出左去～係巴士站遇到兩個中國人～佢地唔識韓文～



係個巴士站搞左好耐想出明洞！最後我見佢地好形咁用中文問韓國人拍住明洞地圖～我就去左幫佢～

我突然覺得我個人好善良！新一年！哈哈！之後佢同我同一個方向，上左車教佢地點落車～



中間講左佢地做咩黎韓國！原來其中有個人個老公係朝鮮族！老公個爹娘住係弘大附近方便打工

所以佢同佢亞妹黎個時就一家住左係弘大，咁岩有人同佢照顧佢個仔，佢先有時間同佢亞妹去明洞

講完一大輪仲要係車到自拍，真係ｏ晒咀....之後交換左we chat！我就去我既南山谷，佢去佢地明洞



佢地問我一陣點返黎，我話我都會去明洞，睇下到閎撞唔撞到，撞到一齊返黎囉！之後中國人果然不客氣



勁send 9 萬個MSG 黎搵你～我想問佢知唔知我收好貴！哈～佢咁問....唉～　做咩要做好人？



之後一個人係南山谷影左陣相去左明洞行左陣街返屋企叮番早兩日未食晒個Ｄ雞～最後傾下電話咁又一日