195 - 韓國本家汁燒薄切五花肉

3:00         金浦

7:20         鐘路



今日起身突然想去行街買衫，旦我成一點先起身，食埋野化好妝，搞呢搞路又三點先出門口！



好在弘大去金浦只要十分鐘！仲快過我去IFC Mall同Times square！同埋我覺得金浦個Mall岩我行多d！



之前Pion黎個時我同佢已經睇中左條sale既牛仔褲～個時我覺得我會減肥！加上before xmas！

我覺得佢未減到最盡～咁就忍手無買到！之後一直念念不忘！又去番睇！點知仲有貨！而且半價再半價

HKD 140 就有！好正！之後又去左Zara 同H n M！韓國SALE 真係比香港顛！佢地真係為清貨！



Zara d one peice 9萬won 減到2萬5！仲要係suit 款！顛嫁～總之今日成件事顛左！

買完去左行書店，又去左LLOYD Check Terry 之前送比我個表白禮物幾錢！哈哈～話就話14k Gold！



原來好平！5萬won ONLY！之後去左Lotte Mart想掃水果...點知...無咩野水果岩食..想買士多啤啤！



點知要人用信用卡比錢先有七折......之後買左兩包粉絲！呢個時候Terry打黎～Miss 左佢call！





打番比佢，佢話今日有得收早！問我出唔出去一齊食飯！我話我仲係金浦！佢話金浦出黎好快～



都係半個鐘！旦我呢家成個師奶咁，拎住幾袋衫，又去埋超市，我拿拿聲搭地鐵返屋企放低ｄ野再出去



因為我計過直接去要30分鐘！旦係我返一返屋企再去都無多20分鐘！同埋我覺得佢6:30出唔到公司門口~

咁7:30 去到鐘路岩岩好！點知佢竟然搭的士- - ...........佢話驚我等佢....我話其實我返一返左屋企...



我諗佢o晒咀...哈哈！最後我7:25 到～佢等左我廿分鐘！哈哈～一見到我又講一大堆肉麻野～



本身佢想帶我去食尤魚烤肉！我地去到超勁爆多人！門口要等十台？我其實覺得我地無野做～

可以等一等～不過我覺得佢好唔鐘意等位！因為上之係慶大要等一台佢都唔肯！....而我就覺得



咁多人等一定係好野～反正我地時間又多～韓國人一食完又即走，都唔會食晒坐係到吹水唔走既



最終我地行來行去，又係去留個條最多野食既青春之街～食左本家～佢話減肥旦我地食左3人份既肉



再加一個湯同飯！哈哈～原來呢到同七分泡菜鍋係同一個老細！不過我覺得七分好食好多！

食飽飽之後我地又去左DVD房～之後佢成日係我耳仔邊講野，我好驚！佢一講보～～～호～～～我驚爆



起雞皮！旦佢見到好hapy！= = .... 好變態！佢見我咁驚～佢勁開心囉！之後睇到11:00 幾～



佢送我去搭車～仲問我飲唔飲貢茶....咩野料呀？哈哈～不過佢相比起永杓～真係天比同地比～= 3 =