192 - 光化門意大利餐廳The Place

11:00            慶大

2:00             光化門

5:00             弘大

起身之後我地去左食解酒湯~佢想食個間已經汁左，我地又行番去學校個面！我地入左間食薯仔鍋既店



佢入到去揀位揀左4個位，每一次雖然都未坐底～旦係大媽已經跟住佢係後面轉



之後大媽講左句：你唔好再轉　　點知佢個樣黑晒問：我都未坐底，點解唔可以轉？...  之後我O晒咀...

佢個樣真係好黑- - .... 我話：Oppa算啦！　佢話：係丫嘛！呢家我坐底左啦咩？點解唔可以揀？



我突然覺得係佢身上搵到我既影子- - .... 就係麻！撚！煩！　哈哈～如果比係我，我都會同佢一樣爆左

佢本身想一早叫個薯仔鍋...我話食唔晒啦....一人叫一個定食仲好啦....佢話叫個小鍋！我話你鐘意啦～



之後揀左一輪佢都係叫左一人一個定食！不過因為佢今日火火地，ｄ野食一黎到佢就食，我無影到相



叫左一個解酒湯，一個炒豬肉，佢一食就話唔好食，不停話大媽好煩，好多野講，好嘈～



仲話佢一定係細細個就係咁....旦我反而覺得佢男人之家好小氣！因為平時有ｄ咩野淨左佢都一定拎走～

今日大媽呢單野佢又講左成餐飯...我就一直點頭認同佢囉！之後我地去左coffee shop 飲杯野～



再係到搵左陣去邊～佢話去漢江～　旦唔知佢揸揸下車去左光化門....



其實我覺得佢成日講既野同做既野唔同...我唔係好鐘意...

我問佢做咩黎光化門？佢話佢想學廣東話！所以想黎買書！之後我見佢尋日送左野比我，我話本書我比



佢本身話唔洗～最後我都拎左黎比～之後話去食雪糕～點知我伸伸下鼻涕流鼻血...佢話我一定太累



我話因為太干，又感冒伸太多先係咁！佢一口咬定我係太累...累到流血....我話無咁誇...拍劇咩?

 

之後我地行左出去唔知點解明明話食雪糕都可以無啦啦4:00去左食意大利野？不過因為又係under CJ



我地又係有折！叫左個二人SET～都幾好味~食完佢話我我太累要同我去汗蒸幕到抖下....



點知去拎車個陣又改左....話都係送我返屋企，係屋下泊左車一齊傾下計，我早ｄ返屋企先好.......





最後去左到弘大泊好左車，因為勁多人，我話不如你上黎我到，呢到咁樣真係好鬼異！



最後佢上左黎兩個鐘～佢7:00話要返屋企搞埋聽日返工d野，佢走左之後我都無左食野～沖左個涼就訓