189 - 終日無所事事

1:00      起身





今日一起身發現Lan線用唔到...去左搵事務室既人...佢地話無問題...我話有問題..佢地6:00先搵人黎整



仲要入我房...我又無擦牙無梳頭- -好kam介...忍左成日...6:00先整好個網...呢家一直追繼承者～



睇黎聽日真係要出一出去～好無聊！ 到左11:00 個時Terry 打比我話佢收工～呢家拎緊車～我問佢做咩揸車？



要送ｄ女職員返屋企呀？佢話無女職員比佢車～佢係去都係去曲奇屋企！我話咁你係唔係黎？



佢真係黎左，我地係車到吹左一個鐘水，佢再揸車返屋企～期間佢話佢晚餐食泡菜鍋！



問我架車係唔係好大陣味？我捉左佢隻手聞！我話係煙味喎！佢話佢無食煙，係側面ｄ人食！我話唔似喎～



聞埋隻手！我話sure你食左～佢死話無－　－我話我最憎人話大話....佢先話佢食左...



我問佢韓國男人都鐘意講大話？捉到正都係可以話無？佢話佢呢ｄ叫善意的謊言！佢驚我知道左會唔開心？



我話：下！咁你第時出去識左個女仔我死問你，你都會話無嫁啦？因為"你會驚我唔開心，你一定死都唔認啦！"



佢笑笑口話：唔會啦，唔可以拉埋一齊黎講- - ....... 之後落車個陣佢想咀我，我話等你表白左之後先算啦