173 - 韓國4DX戲院 + 車中倒數

11:00　　　江邊

5:00          東大

6:30          宗武路

尋日同朋友講我遲左職～佢講今日請我去睇佢BB  4DX個套新戲！旦係早場只有江邊呢到先有得睇...



因為大家夜晚都有約，所以我地揀左睇13:20個場，早ｄ去附近個building到食野～



一上到去9樓個條food court街！好似5,60年代個d佈置咁～好好好舊同ｄ燈牌好有feel！

我一早上網搵定呢家雞蛋料理專門店！入面所有食物都係同蛋有關！我地叫左個蛋pizza～



雞蛋卷，同蛋汁湯飯～因為朋友唔食魚，所以我地無叫到呢到另一個好出名既吞拿魚拌飯！

 

其實佢呢到價錢好平！ｄ野都幾好食！同好特別！食完我個fd同我係到吹水叫我留意劇情講番比佢聽



因為佢其實就睇過好多次，旦係佢唔明d對白～第一次睇4DX 都幾好玩~旦係椅背個頸位個到D風太勁



直噴我耳仔我好驚～我係咁縮～朋友話之前佢睇個場4DX仲有氣味～旦我地今次睇咩野味都無....

睇完之後我好緊張搵個CAFE 化妝～因為太早起身，我無化妝就出門口～不過好就好在係韓國



你周圍化都無人理你！哈哈～之後我就好趕咁本身想去永登甫TIMES SQUARE到做Refund...



但係由江邊去勁遠....所以把心一橫都係去東大個到買野算！今日最後一日有free coupon！

 

去到又排左一個鐘隊！用5分鐘唔洗就買完野，去廁所補一補妝～就坐一個站地鐵去搵Mr 禿～



我地約左係一號出口個戲院等～旦個戲院有兩個入口位，我上上落落先搵到佢係邊....



佢都一早到左係到等我！之後我問佢今晚同唔同我Count down～佢話好丫～反正佢揸左車黎

 

ｅ！我一聽到佢揸車又港女上身！哈哈～即加分！佢帶我行左十分鐘去一間叫珍古介食燉牛肉



佢話呢家野好古色古香～有成50年歷史～佢細細個時佢亞爸亞媽成日帶佢黎食！所以佢都好想帶我黎食

食飽之後佢話揸車去弘大，佢以前係個到個地下室個到夾band！上面有間飲酒既地方佢成日去～



我地叫左米酒同蒜頭柚子煎餅～好好味！因為佢要揸車所以飲得三杯～而我唔係咁好意思，我都無勁影

 

之後11:30佢話送我返屋企- -....到我樓下先係11:45....我同佢講88...佢就話你唔係要count down嫁咩?



我聽唔到佢講咩野count down..因為佢d korean - english ... 我下下下？佢話5.4.3.2.1！



我話呀...係呀...係屋企倒囉....佢話咁不如我地返番車個到啦，我去買野飲！我話咁好啦～



之後我既2013 就係咁同佢係車中渡過！！