D4-北韓軍人近距離接觸【板門店】

12:00　　板門店
13:00　　開城特色銅碗餐
16:00　　美軍間諜船普韋布洛號


補打2012.8.29 Part 2


岩岩個篇仲未講，當我係高麗博物館買人參糖個時唔小心暴露左我識韓文...直至導遊發現我識韓文前段唔夠一個鐘

事源：北韓景點區既北韓售貨員都係識中文，仲要個個都好流利個隻！咁當我係高麗博物館買人參糖個時

佢詬七蚊一排，廿蚊三排！我用中文問佢：比歐羅呢？　咁Ａ售貨員用韓文問Ｂ售貨員，Ｂ用韓文答佢：一蚊歐羅



點知Ａ同我講一蚊歐羅個時，佢未轉得切用中文，直接同我講：한개 한유럽　一件一蚊歐羅

我聽到佢同我講韓文，我又好自然反應問：한개 한유럽이라면 그럼 세개는요?　一件一蚊歐羅咁三件呢

......佢呆左囉！我個刻心諗... 我PK了...內心R底200粒星，因為無人知你如果識講韓文會有咩野下場



個一刻我同佢都呆左，旦最慘連側面ｄ同胞都聽到晒，仲要追問你係邊到學...點解識...岩岩同佢講咩



我地可以係高麗博物館留咁耐原因係，我地要等埋另一團個旅遊車，一齊出發去跟住落黎既南北韓分隔線板門店

要進入板門店地區，我地係開城景內都仲要通過三個關卡（檢查站），臨入關卡前導遊再三強調唔好偷影軍人

由於呢個地方都比較敏感，想當年跟慶熙去個次都比人捉到過，今次都唔係幾夠膽............



第一關卡：導遊先落車去交我地ｄ資料比軍人，第二關卡：北韓軍人上車檢查

第三關卡：北軍軍人跟車入板門店



第一站我地先去板門店提供既手信店買手信，之後再去旁邊既房仔聽軍人講解我地參觀行程

女導遊同佢講我地唔夠時間，叫佢盡量講得簡單ｄ～軍人一邊用韓文解釋，我地男導遊就用中文說明

同我地一齊黎參觀個團人係鬼老團，佢地個導遊就用英文解釋～

講解完左之後，軍人行過黎問我地個女導遊：夠唔夠簡單？會唔會太簡單？　女導遊話得嫁啦

我譯左比我朋友聽之後，我地兩個大笑咁都得？　女導遊問我地笑咩野？　我話無野就行左去

點知女導遊捉住我地，問我地係唔係聽得明佢地講咩？　由於上一個景點暴露左我識韓文

呢家再呃佢都唔係辦法，我唯有話識少少啦，旦都唔係好聽得明～　女導遊就開始同我講韓文啦

　＊和談室

我地第一個參觀既地方係：和談室　～我地2團人，老外坐一面，同胞們坐晒另一面

又几似呢家南北韓關係嫁喎～一人一面咁～講解完出黎影相個時，女導Keep住同我講韓文

叫我影相影快d，又開始問我睇得明几多，聽得明几多～



之後我地去左旁面既朝鮮停戰協定埸所，朝戰係1950年6月25爆發，而係1953年7月27簽訂《朝鮮停戰協定》暫停駁火

 　＊簽署《朝鮮停戰協定》地方

入面有２張台，分別有北韓國旗同聯合國國旗同韓，英版既協定書係台～



入面仲有ｄ簽協定時既相，當然唔少得偉大既金日成領導既相啦～好似明星poster咁四圍都有



最後我地去到軍事談判委員會議室，佢地坐緊張台上面，中間有條黑色線，代表南北韓土地分隔線，由於係DMZ

非武裝地帶上既JSA～所以坐左過去南韓個邊都唔驚～而兩個北韓士兵守住個位，就係南韓個面出入口



聽聞，以前曾經試過有南韓旅行旅黎左呢個軍事談判委員會議室參觀個時，有一個遊客行近左北韓個面度門時

突然外面有北韓軍人開門，硬生生咁拉左個人入自己北韓境內，話佢非發進入北韓領土



最後南北韓雙方決定，如果其中一方有旅客參觀，另一方既軍人唔可以出黎站崗，要等旅客走左先出黎

同埋當旅客參觀軍事談判委員會議室，一定要派2個士兵守住對方門口，以免旅客接近

 

之後我地去左睇金日成生前最後既一個簽名紀念碑，呢個簽名係1994年7月7日

金日成同南韓進行統一會談最後簽署既文件，第2日就因心臟病發與世長辭。碑上既簽名成為左佢既絕筆

所以呢個紀念碑係為左紀念金日成係生命既最後一刻仍牽掛坐南北韓統一問題而建

碑上有82朵金日成花，代表住金日成既歲數，而碑既面積同長度都係代表金日成生日4M X 15M

 

 最後一站我地係去到板門閣二樓眺望南北韓國旗同八角亭

由北韓望過去南韓國旗係左手邊，北韓國旗係右手

呢兩支對立既國旗曾經因為高度問題搞左好耐（爭要做最高），最後兩方共識整成一樣高度

呢家呢2支旗係世界上最高最重既國旗～

我地上到黎個時見Ｄ老外同亞軍人哥哥合照，我地又唔執輸沖過去同佢影相

我用中文問佢可唔可以影相，佢原來聽唔明中文仲打算落樓梯走～

我即刻好急咁用韓文要求佢同我合照，佢聽到之後笑晒口話ＯＫ！

所以我同北韓軍人哥哥既合照，佢係四萬咁口嫁～哈哈～超鐘意～

之後其中一個老外同佢影相個時，老外一手搭佢膊頭，佢即fing開人隻手

佢用韓文同個導遊講：你叫佢唔好搭我膊頭，佢呢個動作令我心情好差！

一問之下，原來軍人佢地覺得比"老外"搭膊頭，係有一重嚴重扁低佢地既含意