세상에 부럼 없어라 《我們最幸福：北韓人民的真實生活》

『時間預設文章』

呢家既呢個時間我應該已經到左平壤～

哇哈哈哈～

出發之前兩星期，我終於買到呢本書黎睇

세상에 부럼 없어라 《我們最幸福：北韓人民的真實生活》


唔係好難買，而不過當佢岩岩出既時候，我就心急走去搵

搵左好多間都無呢本書，只得英文版

搵左無一星期，我就慢慢忘記左呢本書


直到最近決定出發去北韓既時候

我係大眾見番呢本書！


作者用左十五年時間訪問左六名 탈북자（脫北者）而寫成

作者更加話，呢十五年裡面，關心北韓既新聞仲多過關心佢個仔

而佢個仔都成日問佢幾時先寫得完呢本書？


可能就正正因為呢本書用左咁多時間黎寫

呢本書真係寫得好好，唔會好主觀咁寫北韓政治

反而佢好似一本小說咁


描寫黑暗既北韓入面仍然有【愛情】【理想】【執著】【求生】

拍拖三年先第一次拖手

再之後既六年先有第一次既接吻

到女主角決定要逃出北韓，旦唔想累及家人而唔敢同男主角講

同男主角不辭而別之後既三年

竟然係首爾撞番個男主角

原來個男仔心中都係一早已經打算逃離北韓

不過佢地相遇時，已經太遲

女仔已經嫁左比本地南韓人

而男仔。。。


　值得睇既一本書！