7:30 Olympic Park
12:00 弘大
今日返工一直同公司搞paypal d 野,到左5:30個時,HQ有人拎左2張四人四色演唱會既VIP飛比我地
老細問我去唔去?我話同邊個!佢話新女都去~旦新女住仁川,佢睇完無車返屋企...要去我屋企~
不過唔驚啦~我地考試院有間房長時間都無人租唔知點解~老細比我地提早6:00走~
走前仲比左2萬won我地做飯$~我地兩條支急急腳咁去Olympic Park,去到7:15我地仲好閒咁去買野飲
之後跟人入左去個主場館,入到去全都係大叔同大媽,我地都覺得唔係好對路,點知入面d人搵唔到
我地個區,再睇真d原來今日有兩個館開show...我地入左趙永必個館...人多係好多...旦門面點解咁寒酸
又唔拉banner又唔check清d飛~搞到我地勁急出番去搵b場館....個地d雪又結晒冰...勁難行...
我地又心急,最後兜左一個大圈先搵到...不過都仲有十五分鐘先開場,我地係門口拎左好多sample~
之後一入去有d新人開場表現~呢d新人任影都得~旦我之後見李正出黎一拎相機就比人阻止...
個show 完左之後,因為新女無車返仁川,佢跟左我返弘大食烤腸,之後上左黎我屋企沖左涼
我地傾到3:00鐘先去訓~本身叫佢聽日同我一齊去見朋友,佢話佢有個fd住大林佢想去一去佢屋企~

沒有留言:
發佈留言