153 - 鬧交的原因

:00　　　機場
11:30　　　公司

7:20          까치산



今日7:30起左身...原因係尋日用屋企充電器充電，我咁岩起身就想熄左佢點知收到我理事尋晚比我既MSG



佢叫我今日9:00到仁川機場收個客錢～唉～又唔係十萬九千七，我都唔明點解要我呢個大忙人去～哈



不過去個時一路同oppa鬧交！原因係佢平時日日都會打比我morning call，咁我早醒左我都會打比佢



我地約好左今日見，我問佢今日都星期三，即係我地今個星期淨係見一次？佢話佢好忙佢都無計～



下星期都未必見到！咩野料？我一聽到o晒咀啦！我話收線我要，點知佢get唔到我嬲嬲豬...

 


我之後上左車我send MSG比佢話比佢知我好嬲，我話我唔明點解你有時間見朋友旦無時間見我

佢問我點解成日都唔理解佢發小姐脾氣，佢仲話呢家又唔係唔見我，一個星期見1,2次叫多！



咩野料呀？我地拍左一個月都無就咁，如果拍耐ｄ真係一個月見一次？我覺得我地無熱戀過



佢最好笑就係話，如果佢想玩玩下，佢緊係日日都話見我啦，旦因為佢係認真所以一星期見一次





DKLM...咩野Concept？我真係唔明...定係文化差異？仲話我地都唔係20歲初頭，唔洗話日日見呀？



我話咁你30歲人，你唔想見你女朋友？咁不如你好好考慮下你係唔係真係需要我？



佢話佢都要有個人時間，佢都有佢人際關係，如果佢個個都唔見，淨係見我，係唔係下半世都我養佢

 

其實我好想問佢，仆街，你當你去見客咩？你去見你ｄ豬朋狗友炸嘛，咁你ｄ豬朋狗友養你？



我問佢咁你覺得xmas 見唔到都好正常？佢話佢做呢到擺明係年尾仲忙，我話咁我跟你返工



佢話唔得，仆街啦，咩都唔撚得，真係就咁打都嬲鳩佢！我話既然我係你女朋友我想你放我係第一



佢覺得我好無理取鬧！旦我覺得佢根本唔明白我....最好我地緊係又好似無野咁....旦其實我心入面已經....