148 - Oppa 去唱K

9:00　　　返工





今日得我同新女去Lunch！原因係狗男女又出左去～我同新女去左食薯仔豬骨湯！之後我地講左好多野



講佢之前搵工呀，男朋友呀，用咩化妝品呀，做咩學中文咁呀！之後老細返左黎之段我就轉戰同永杓傾計



本身上次見面個果哥哥一直叫我介紹女仔比佢識，明明約好左星期六見面！點知我問佢firm 一firm我個時間

 

因為我要同我fd講定幾點！點知佢話我定今日見！我ｏ咀問佢咩野料？原來佢聽日約左人..........我勁嬲....



佢仲話自己12 月full booking！我話今晚唔見！佢問點解，我話我唔想搞到好似得我想見你，你唔想見我



成件事咁勉強咁！佢叫我唔好自己一個人諗，一個人決定晒個答案，如果咁既話我無野好講！



我話你根本無心見我！我要求你好多野咩??佢話我無理解佢既心！我話如果我無理解你既心

我就日日追住你叫你陪我啦，我有邊次唔係等你開口叫見先見？佢: 咁咪得囉, 你仲有咩不滿?


我: 如果唔係我岩岩開口問你聽日几點，你都唔會同我講今日見我啦！　佢:好重要咩?? 邊個開口sin


我:唔係　　佢:見面sin 係重要　　then 我唔reply　　佢等一陣send : 好傷心　 我: 我仲傷心



佢:咁叫你今日叫你又唔見?　　我: 無言　　之後等左個幾鐘佢都唔dum番我，我谷鬼氣打比佢問佢

點知佢係電話到把聲又好好喎，係到解釋如果我地咁鬧落去咪仲衰，又話佢知我一定好快無事～



最後講多兩講我又心軟出左去同佢食飯，見到面之後我地又講番頭先個件事，佢話佢唔明我嬲ｄ咩



我再同佢解釋多一次，佢話佢唔記得認承過我？！diu！我話你又飲醉左呀？又唔記得？！



之前傾傾下傾左其他野，講下佢個理想形！最後去左唱K，我一直睇佢表演！最後被迫唱左半首

 

11:15我以為仲有尾班車，點知等左十五分鐘都未有，最後CHECK一CHECK先知尾班車已經10:20走左



之後佢陪我搭的士，其實講真，每見一次就愈唔滿意......咁岩舊同事話介紹佢公司同事我識...



睇黎我都係靠朋友介紹...好過網上情緣～我唔想再去估真真假假～