135 - Oppa 無窮無盡的朋友們

11:00         明洞
6:30          梨大
7:30          新村CGV
10:30         新村


今日約左空姐去左明洞shopping，因為同oppa約左好夜先見面，所以我無化到妝等出到去先化

出襯明洞都係去食王妃家～再係明洞買左件衫同d化妝品上埋去coffee shop眾目睽睽下化晒個妝

行到朋友覺得無野行要返屋企....oppa都仲未firm到我幾點係邊到等！我火都黎一個人係明洞亂行...


因為勇表今日要返工，旦佢同我講佢會盡盡盡早收工....旦係5:00佢先話佢岩岩返到屋企

叫我一陣係梨大等...佢話要介紹佢朋友我識...咩野料？又朋友？仲同佢朋友既女友....無準備囉

之後我又好趕咁返屋企放低袋野...佢係咁吹我問我到左梨大未....大佬...佢朋友有車車佢去...

 

佢緊係快啦..之後去到梨大我問佢係邊....佢話係新村舊站個police office....真係火都黎....

我話我係mega box！正常你係唔係黎接我？佢仲話你唔係住弘大嫁咩？你咁都唔識黎

我真係想打佢，我住弘大唔係梨大呀！好嬲！見到佢朋友同佢朋友女友（日本人）


日本人啤爆我咁滯....我都唔想嫁～你地又唔約定時間同地點，我點知者？佢女朋友勁唔nice

之後一見面勇表幫我拎袋，旦因為太kam介，我仲未介定到我係唔係佢女朋友我無拖佢隻手

佢又無主動拖我，我地一直行行行...........我問......你唔會話比我知我地呢家係去緊新村CGV呀?

 

因為我係新村CGV其實有站可以停，我又唔洗行咁耐，佢地又唔洗講到等我咁耐(我最多遲左十分鐘)

之後睇戲個時勇表比左$，去食飯個時就佢朋友比＄，不過我地去食野個到我麻麻地我都無咩食到

我係咁比ｄ肉去勇表到，但佢最貼心既係幫我係咁剪肉，其實個兜排骨湯ｄ排骨肉你唔洗剪佢都甩出黎


佢仲同我碎Ｃ左佢！佢碎完之後就問我，你唔會因為太大舊先比我丫嘛？如果平時我一定好嘔心咁話

因為我愛你先比咁大舊你～旦係因為佢兩個朋友我都唔識，費時啦..旦點知勇表佢就係好鐘意聽我講呢d

食飽飽去睇睇在《朋友２》買popcorn都係佢朋友比埋錢，咁我地就話宵夜我地比～


其實買飛個時，個日本女友好唔想睇呢套野，旦佢又唔出聲....一直打眼色比佢男朋友睇only

我男朋友其實好好玩個d人，佢同日本妹講：你出聲啦～講出黎啦～(旦唔係惡個d，笑晒)

旦日本人西晒面.....睇完之後我地都覺得套戲好廢，出到去個時本身話去食野～旦佢地2個想2人世界


講真我都好想2人世界，我唔明oppa做咩係咁yo佢地2個去下一場- -....之後佢地2個走左

oppa 又帶我去佢中學同學開既鋪頸個到食野.....佢同人地介紹我個一刻係開心既...旦我想要2人時間

佢話佢會不停介紹我比佢d fd識，佢話呢ｄ係交往既禮儀....then佢又問我，你無朋友嫁咩？....頂


之後唔知條白痴仔係唔係飲醉左，係咁係佢朋友面前問我：曲奇，你講丫，你愛唔愛我，你有幾愛我

我死都唔講啦，好kam介，我又唔識佢朋友，佢朋友都頂唔順走開左，勇表問我做咩唔答佢

佢話佢想係朋友面前show下off....死啦...我係唔係遇左個顛佬？....最後唔飲唔飲我地2個都飲左3支燒酒