131 - 平淡的一天

9:00　　返工


今日好攰～返到公司一直同釜山仔chat，佢返到學校我地仲chat 緊，旦我都唔知咁係害左佢定幫佢

佢講到佢見左我好like 我，問我可唔可以等佢等到2019年，佢當埋兵畢左業就會娶我！哈哈～

係唔係講到好長遠先已經？見一面就要結婚！仲細七年～好話唔好聽～當我真係等你～

當真係結到婚，我個時已經33 歲，你先26歲！好話唔好聽，結左婚幾年之後你先同我講要離婚

我都３到蚊，你先岩岩好30歲，你人生先岩岩開始仲係一條好漢～你再去玩25歲d 妹妹都仲得

佢話佢唔會！唉～我想同佢講我飲奶都飲多你七年啦，你仲當我小妹妹咩？追你個時個個山盟海誓

我都想信佢，旦之前遇過個幾個都奇奇哩哩～都係聽下算～認真你便輸了~


到左4,5點個時無啦啦有個女乞丐黎，問我點去金浦機場，我叫佢落B3搭subway

佢又問左我好多好怪既問題～又問我去mexico唔識英文o唔ok～如果去mexico去到金浦買飛o唔ok

問我有無去過，到左埗佢點搵佢朋友？自由行平定tour平...最後我老細頂佢唔順同我打發左佢


點知佢一直坐係附近....最後我地要叫d保安哥哥叫佢走....佢都係死都唔走....o咀.....

走個時我地收埋晒d＄同暖爐～驚就係幾日前爬入黎訓個個....哈哈～