126 - 韓國老細講得出做得到?

9:00　　　　返工




唔係我想遲到！哈！但係我地考試院近黎黎左條女，佢起身時間同我一樣....佢仲要起身沖涼

日日個廁所都比佢擺住晒...好煩....今日返工無咩特別野，打左成日blog，執左一日相！

Lunch食Kimbab + 杯面～Tea Time 叫左Pizza Hut~收工前仲食左好多尤魚乾同雞泡魚干～



到差唔多真係收工個時老闆叫左我出去！終於！吹左2個多月水話要配副好d既con比我！

終！於！配！左！佢話呢間野個老闆係佢後輩，所以佢用到個best price配比我～

.........旦我上到去睇款，除左勁小之外....我勁sure 佢個到有個d款同我配開個間係一樣

 

旦佢就用５倍價錢賣比我老細，我真係覺得好水魚成件事，我同我老細講，佢話款一樣

旦ｄ用料唔同！咩野料呀....有無可能款一樣，用料唔同？即係你去nike 買波鞋會唔會

個sales 同你講呢家有一對nike個款一樣，你要choose 英國製定中國製？水魚！



不過唔明韓國點解買一對con都送n個con盒.............我唔會一星期七日放入唔同con盒入面囉

呢張相款con係我一直用開既大眼仔～等我試埋我老細買個款再pose上黎比較下

講真我鐘意我個副多ｄ，不過唔洗＄，你送到無理由唔要嫁？當幫補下你比我份人工都好！