123 - 內藏山即日來回賞楓

5:30    第一班地鐵
6:30    高速客運站
11:00   井邑
12:30    內藏山
5:00     回程
8:00     高速客運站



尋日rock友話好busy，成晚都無同我kao talk 過咁滯～不過我今日都要4:30起身執野去內藏山

我起身個陣就收到佢岩岩Send MSG比我～我即刻問佢尋日食飯做咩唔send MSG比我?

佢話佢尋日真係好忙～我同佢傾左一陣，都拿拿臨搞掂出門口！為左去撘第一班地鐵！



原因係我之前揀左張7:20既巴子飛～諗住係玩就玩盡Ｄ！點知真係太盡！哈哈～訓得4個鐘

我地去到仲有時間去便利店買我最like既kimbab！而我都好好彩遇到間新開既便利店～

 

如果唔係我就要逼住一早食烏冬！之後時間太多，我仲坐左係到玩蚊白頭髮～

上到車之後完全deep sleep～過左中途站之後開始帶con同化妝為左一陣影靚相！



到埗之後我地第一時間去左搵MOTEL，我朋友覺得3萬一間房都貴，咁其實我之前都係住2萬就有

旦我覺一間房多一萬，一個人多35蚊hkd者....唔洗諗咁耐呀？佢直頭想返首爾～吊～

之後搞搞下我都無心機，最後on99 咩住兩日一夜行李搭巴士上山！點知巴士都爆到亞媽都唔認得



我話不如去坐專車～佢問我几多＄，我話5900囉！佢話呢個1300 炸喎！問題係半個鐘一架！



同好full，我唔知要等多几多架先上到，最後佢又唔肯比多廿蚊坐車....之後好在有兩個韓國大叔

過黎問我地sha唔share 的士，一人3000 won，我問都無問佢，我話我搭的士，你睇下你點



佢個樣仲迷網2000次！唔明白！真係唔明白！搵左d $唔係用黎玩，咁用黎做咩？唔明白真係！

係架車個陣大叔問我係唔係泰國人？咩野料？我似泰國人？哈哈～好慘~ 我係人妖？


大叔係的士上不停用方言同司機傾計，旦佢係用wu～si wu～我覺得好可愛，我笑笑口同朋友講

大叔突然話我係忠清北道，我話～ａ！！你點知我講緊你～佢話佢好識睇眉頭眼額～好好笑！

到埗之後我地去左間50年歷史既山菜拌飯堂到食飯～真係dry到無朋友！真係得菜～食食下仲有塊楓葉


食飽開始去入口個位....沿途都見d葉甩晒...頂....咩野料呀.....明明6號先係全盛期...11號就無野？

我都話7,8入去嫁啦，佢死話差3日only！diu！呢家就係差3日，咩春都睇唔到！waste my time



waste my money！如果我地真係好朋友都無咩所謂，最慘就係已經唔岩傾，唉～人生！

入到去見到仲失望！好難先搵到幾棵几個角度影得几張TT.......行左半個鐘到就去到吊車位~



7000 WON入場卷又等左一個鐘先上到車～上去為左睇個全景！點知山頂真係凍到PK！

急急腳開左個話自己有70度既暖包.....等左5分鐘都未熱...到落山時先有小小熱....



吊車大叔見我係咁CHOK包野，佢問我做緊咩！我話佢會發熱，跟住其他大叔又黎摸下！好好笑



吊車落山之後我地就行左去內藏寺，最經典個條影相路都只係見到一pat甩晒既枯樹係個到.......



最後係入面影左幾張相我地就坐shuttle bus 出山lu～

 

落山個時同rock n roll仲傾緊kao talk，上到巴宜個時佢仲叫我休息下，我返到首爾個時都係

佢先send MSG黎比我問我到左未，旦無啦啦佢都可以同我講佢覺得好大壓力，我愛佢多過佢愛我



佢覺得好負擔，唔知點！我話我無oppa你諗到我咁愛你！我只不過平時對話個時成日加心心同鍚鍚

佢話同我一齊都好佢唔會同我結婚，因為佢有佢既夢想要做，大佬....咩事呀?又拍晒韓劇咁！



佢仲好賤咁講，even我同你結婚，我父母都唔會鐘意你！因為你係外國人，我話我係香港人喎！

我又唔係菲律賓，愈南，非洲個ｄ！我又唔係要賣身過黎，點解佢地會唔鐘意我？



佢話人地只知你係外國人，人地唔會知你因為咩原因要黎！我話：咁你咁驚，你跟我返香港囉！

（旦其實我都係吹水，佢黎到我都唔知佢可以做咩）最後講左好耐，我問左佢3次係唔係要分手

佢話唔係,唔係,第3次變左唔知，我話你講得出唔知即係你心入面已經有第２個答案出左黎～



我話即係代表你唔係真係咁愛我，咁不如我地無將來都係呢家分手啦，佢話佢希望我係淨下既日子

識到好人，我地分左手都可以做好朋友，我唔開心想去玩都可以搵佢，佢會為左祈禱！

我真係想同佢講：吊你！如果你氐鬼靚仔ｄ！我真係想投資比你拍番套2013韓國情聖！你一定拎影帝



不過個一刻真係有唔開心，我個腦都load唔到咁多對白，最後朋友話要返弘大同我炸雞啤一啤佢～

可惜真係唔鐘意飲酒～最後都係用可樂凍一凍佢就算～不過我深信呢ｄ咁既緣份唔要好過要！