91 - 同朋友舊老細食飯

9:30　　　返工
8:00　　　綜合運動場



尋日因為同豬八介傾到朝早7:00，佢好好咁等到7:55再MORNING CALL我～個一刻真係有d lum lum豬

點知我真係太太太眼訓，我再訓多一個鐘先醒到，好在今日八婆同老闆兩個人出左去帶Tour！



我遲左半個鐘返都無咩事TT～返到黎個野都唔算太眼訓～成朝爽ＹＹ搵下附近有咩好野食～

因為呢到真係一個鬼地方= =......我最後唯有去左包飯天國個到食泡菜燉魚～好鬼腥！中伏了



食完飯飯起攻心一返到公司就好想訓，頂唔住之際我send MSG比豬八介問佢係唔係仲訓緊～

點知佢話佢無訓到，佢都去左食飯！我又同佢嘈過，點解佢唔訓都唔陪我CHAT？



其實佢唔靚仔我無咩問題，因為我本身又唔係靚女！旦係我鐘意好痴身個ｄ男仔～

佢同我次次傾電話都一定三四個鐘以上，旦我就唔明白佢點解成日都唔Send MSG比我....



收左工之後去左見朋友同佢之前個老闆！本身佢地約左7:10～為左就我，等到我8:00先一齊去食飯

超好人～之後佢老闆帶左我地去綜合運動場附近一間好出名(?)既烤豬肋骨！好好味！3個人食左5人份

之後再去左食炸雞飲啤酒！哈哈～好勁呀！呢間炸雞啤酒好正呀！之後本身想等老闆坐巴士走左之後



求奇一間化妝店落甲油...點知老細話都係同我地一齊搭地鐵返去ＴＴ我ｄ甲油甩到一撻撻啦= =～

唔想買既原因唔係因為貴，係因為我一定用唔晒－　－！我又唔想拎番香港！淨係甲油都夠重～

之後返到屋企沖好涼吹好頭即訓！所以呢幾日日記又無打，相又仲未放入電腦！