75 - 鷺梁津水產市場

 

 

 

 

 

 

01：00　　東大門夜市
12:00　　鷺梁津
4:00　　  弘大
8:30　　　家



尋日放左工返到屋企食左個公仔面去左超市，沖埋涼！23:30到就坐巴士去左東大門行夜市

呢家東大門批發真係好左好多～好多都係2-3件起就批，仲可以同款唔色既兩件就得～



由12:30 行到4:00 返朋友酒店，再沖埋涼成5:00 先訓～第二日起身好攰旦係為左早ｄ去鷺梁津

我地10:30就起身～出到去我地揀左幾間鋪，最後有個魚市場大叔推薦我地去左呢間



佢話就話自己係魚市場請返黎，唔屬於任何一間魚檔，之後佢推薦左我地上去呢間食堂！

就係我5年前黎過既食堂！有無咁岩呀？大叔話因為呢到比較大同出名～



我地去到就交晒比個到ｄ人處理，之後朋友話想食三文魚我地就落左去

點知上到黎個時碟生尤魚已經黎左～可能因為黎左好耐.....已經唔係咁識郁..............................



頂.............................我未影vedio，又未影相！唔開心！唔開心！唔開心！

不過之後ｄ野食黎到個時個人開心番晒～因為真係好好味～尤其係鮑魚，蟹，蝦，三文魚，生八爪魚～



其他帶子同蜆就麻麻～之後見人地叫左個辣魚湯我地都叫左個～都幾好味～

不過話時話隻蟹好多膏都好鬼甜！好好味！食飽之後因為個ｄ膏汁仲有好多，我地叫左個白飯撈黎食

之後我地去左弘大Aland Outlet，再去左食softree ice cream～　softree 係新沙好出名，成日排晒隊

佢上個月岩岩黎弘大個時都係排隊排到喊～尋日去個陣唔算好多人，排左一陣就到我地～

之後又再去左3CE出血，我都唔明白點解次次去，次次都有野買：Ｐ　之後因為太攰，聽日又要返工

我無同到朋友食飯就返左屋企，返到屋企沖左個涼吹左頭就訓，人老左真係唔係咁得TT