70 - 韓國中秋夜

9:00 返工
7:00 汝矣島



今日返到去得我一個，到左9:30個時好急屎，我拎埋手袋去洗手間，因為我地個度算OPEN AREA

D野就咁放個到唔係咁好～點知屙完老細就返黎，我地２個咁岩一齊入門口，佢驚死我遲到

笑笑口咁問我：Ｅ！你去洗手間呀？　我又笑笑口咁話：嗯，係呀！



今日因為係中秋正日，理事再遲多一個鐘先返，仲話帶左野比我地食，叫我地唔洗買飯

一個鐘之後，理事一入門就拎晒Ｄ野食出黎話提早開飯，試下佢Ｄ手藝！

大佬！點先？？十點就食LUNCH！之後最最最最驚嚇既事出現！我唔知之前有無講過？



我一直覺得佢地兩個有路，佢地食食下飯個時，無啦啦係到玩"歡樂天地"拋銀仔咁!!

個女係咁用條車匙拋去個男個褲LONG到.......拋唔中,又執起再拋.....咩野料呀？

我想洗眼！又唔係"歡樂天地"拋銀仔！做咩逼我睇你２條老野玩呢Ｄ野＝　＝



之後今日勁無心機做野，提早左一個鐘收工，我同朋友去左汝矣島碼頭站叫左雞食

之後仲比一堆愈南仔搭訕，佢地係咁向我地個邊放煙花...好拿驚，仲係咁問我地飲唔飲酒



飲唔飲咖啡～之後我地勁快汁野走，班仔想同我地握手，我地有個朋友好型咁頭也不回

BYE左佢地，我地爆笑咁走，旁邊有對天體老男女都望住我地係咁笑～好開心！