46 - 見工日 + 新村善良的豬任食韓燒

1:30　　安國
3:00　　新村
4:30　　梨大
7:30　　新村


今日起身就去左安國個到見工，不過有閎ｄ野真係時也命也，往往你想要既野又得唔到

唔想要既野係咁靠近你而黎！無錯！我真係好唔想做guesthouse！旦因為佢返得早返得早


 

加上成間guesthouse有12個員工，11個都係韓人！無錯！就係呢一點打動左我，我會去返工

老細睇落去好似好好人，不過我同佢講因為我逢星期二四都要返學，所以我呢兩日返唔到



本身佢都考慮緊咁請唔請我好，而我個心態都係一博，請我就做，唔請就算，點知佢真係請左我

叫我星期三去試工～我諗都係一d手板眼見工夫嫁者？嘻嘻～佢仲話做得好會加人工？！勁...哈



之後返左屋企放低d野就約左朋友去新村食冰，點知我好想食個間野竟然今日休息！頂

 

搵左另一間好想食既甜品又係未開門....咩野事呀....所以我地去左caffe bene到食雜莓冰～

旦係最古怪係雜莓都加紅豆？？雖然食唔到紅豆味，旦係加左都係唔係咁like～



之後為左新工去左梨大買新衫，有件display 真係比人磨到起晒毛，個sales係咁話新貨新貨

個design 就係要vintage磨到咁，我同佢講未洗都咁，洗左著一次就唔可以再著～我話我唔要

 

深係買另一件就算，點知佢地有個同事好快就出左去拎一件新既比我，我話唔該晒佢～

佢話：你知唔知人食緊飯？　我ｏ晒咀，我咪話我唔要囉，係你地想賺多ｄ出去拎比我炸麻

同埋個路程來回連拎貨三分鐘都無，咁都要比說話我聽？傻傻地～ 

 

之後我地買晒大家想要既野，就去左新村個間善良的豬度食，任食韓燒！

有炸雞，沙律，意粉，湯，餃子，年羔，同十多款肉類！兩個人以上入座，只係比多1000 won

汽水任飲！即係一人500 won！之前覺得self bar 已經好抵同好好食！點知我覺得食左呢到之後

ｗｉｎ　晒啦！因為有炸雞同汽水任飲，大家黎新村，唔好再去食個間難食既廷世豬皮！

黎呢到食啦，又平又抵！