今日由弘大行左去上水，近呢兩日其實已經無咁熱，仲有風！只不過係太陽底下行半個鐘
人都濕晒～呢間sak 好巴閉，由賣街頭小食做到入鋪，再紅到開左間bar！專賣街頭小食配啤酒
其實佢地呢隻炸物我成日覺得好林油，同埋食咩，入面個餡都係一樣，我真係麻麻地～
旦佢講到咁勁，我都要去試下既，點知呢到ｄ炸物勁脆，尤魚係生炸，
仲有個獅子狗都好好味，不得不提係佢地個鎮店之寶－魷魚豆腐肉餅，入面有埋芝士！
另一件好好食既係炸芝麻葉，雖然入面只得豆腐同泡菜做餡料，旦係炸到脆一脆真係好好味
不過呢到衰就衰在好好好小位...我見人人都係買走～一買就買幾萬won！真係唔係講笑
連朋友都話呢到好好味～食飽就沿路去左合井個Homeplus，比我見到NZ個時好鐘意既mudshake
開心到爆～不過我無買到，反而買左Jagabee，因為平左勁多！Homeplus d 野真係好抵！
返到屋企樓下仲比我見到小唐菜賣，平日超市一包5000 won！菜市場1000won就咁大袋！抵
沒有留言:
發佈留言