2:00 新村現代百貨
今日一早10:00個時，管理員拍門叫醒左我，原因係修理技工黎左啦！佢入到黎即刻搞搞
就知係供電個個野有問題，佢去左附近買完又上返黎～前前後後都搞左成個幾鐘～
之後煮左午餐，本來打算出去影下相，好在上左天台睇一睇，天灰灰都係廢時去～
突然醒起不如去新村行下百貨公司！就係咁入左去Primera....咁岩現代百貨又做緊送野優惠
我就係到放低左三十萬～sales 都好好人同我分左3張單，等我拎到3件juicy couture既野....
旦我要黎無咩用....我除左把傘會用....個袋我真係一定唔會用囉....之後返到屋企...U plex打黎
之前係佢到買左頂韓國North face今日到貨～其實實物有ｄ日本feel～影相影唔出～哈
順到去埋A LAND行街，再去左Grandmart 買今送～我同大媽講話要3000 won 肉...佢真係唔想賣比我
佢話：得一塊嫁炸喎....你買夠1萬won啦....我就同佢吹水話我屋企無雪櫃...3000 won就夠....
佢好唔願意夾左3000 won 比我～哈哈～旦我食得好開心，因為比出街食平好多～返到屋企
屋主亞媽黎左烚薯仔，仲分左三粒比我食～上面ｄ芝麻葉係我屋企樓下個菜檔買
一千won有100塊芝麻葉！比超市平５分４都有，不過我其實想搵生菜....佢地今日賣晒TT
沒有留言:
發佈留言