23 - 韓國農場體驗

9:00　　雲吉山

  

尋晚10:30汁汁下行李，發現屋企一包零食都無...即刻上網查我樓下間超市幾時收檔....好在收11

如果我遲多小小都買唔到...咁長途車唔買定d野食好難捱嫁嘛！我即刻頭都唔梳夾起ｄ頭髮就沖落去

 

  

點知尋晚唔知點解訓極都訓唔好...今日6:30就要起身準備，預埋時間買早餐～今日豪氣左～
 

比多1000 won！要左個牛肉味紫菜包飯.....食完之後就覺得...我浪費多左我1000won....

雖然我地今日9:00先集合，旦係中央線去雲吉山方向既車勁小.....所以一miss左一班就好麻煩....

我7:00就去到搭地鐵～係往十里個到等左好耐....黎到分左兩批人，一批去捉雞，一批去菜田

我都知道菜田一定係中緊伏....旦係呢面個d人既國際我比較鐘意，所以我最後揀左菜田～

 

一去到大叔就黎左接我地，我地一行九個人就坐住架貨車去個Farm到！架車都幾好玩～

我地第一站要去薯仔田個到失鬆ｄ泥同埋除草，雖然佢幅田比起NZ個d一望無際既farm 細N倍

  

旦我地9個人都用左兩個半鐘先完成到個幅地....旦我地個個已經得番半條命...因為韓國今日天氣勁怪

 

一時爆好太陽，一時大雨，今日聽過仲落左雹......所以今日真係好好好辛苦....D汗無停過～



12:00 個時農夫返黎接番我地話去食飯.....點知佢消失左兩個幾鐘話佢煮飯....佢真係淨係煮左個飯囉

  

其他個d都個雪櫃拎出黎既拌菜....因為正午個時係最熱，農夫食完飯就教我地醃"水青瓜"

 

  

佢話夏天個時配麵條凍食一流喎～我地又洗又切又醃，都搞左兩個鐘，最後農夫分左做9份

 

叫我地一人拎一袋返屋企，之後我地洗好晒ｄ野，再去左蔥場個到拔蔥，原來蔥要種兩次

我地拔完之後，農夫話佢要揀左ｄ雜草出黎，再去種第二次，呢到又做左兩個鐘到～

 

我地返入個時，又整野食！佢話呢個鴨肉炒雜菜係佢ｄ香港朋友教佢，我話我見都無見過

你係唔係比人呃左？哈哈～點知炒完出黎勁好食！咩野事呀？淨係落左是油炸喎～

農夫見我不停Refill，佢問我係唔係想家鄉？哈哈～我話唔係啦，因為真係好好味！

 

之後我地開左好多啤酒，米酒個ｄ黎飲，飲到六點到，農夫就車返我地出去，要離別果然好唔捨得

唔知點解，大家都眼濕濕....唔係誇張....不過呢個Host真係好好人～