9 - 明洞cacao green

10:00　　起身

今日一早起左身，又send左好多份resume出街～本身打算去附近書局行下睇下書～

點知一落街個時，就係咁落雨，我就懶得再行，又行番返屋企睇電視～

其實前個兩日，我夜晚出左去明洞見舊同事～同事問我想食咩，我話想食韓牛～哇哈哈～

點知佢話請唔起我，就帶左我去食五花肉！同事話佢平時好少出明洞，因為明洞都比外國人侵占晒

如果平時真係出明洞既話，佢都好鐘意黎呢間燒烤店，因為佢話呢到d泡菜同埋冷面好好味～



呢到仲提供埋年羔比你用黎包肉食～又真係幾好味既～我最鐘意都係佢ｄ蔥同蘿蔔～

成晚傾左好多韓國男人既話題，佢話佢老公知佢今日出黎見我，佢老公都好想見下我～

旦比我同事強烈阻止左～仲話下次有機會先三個人一齊出黎見下面～哈哈～



之後同事帶左我去明洞cacao green cafe，呢到係一個專食朱古力甜品專門店

同事話呢間野近黎Hit到爆～我地上左去都等左一陣位～個個都係叫左呢到既"三重朱古力冰"

咁佢又真係好Rich下，食完好有罪惡感個ｄ～佢一邊食一面同我分享韓國女仔減肥法

佢話Dinner 淨係可以食兩隻恰蛋加一條青瓜，一係就青瓜加乳酪....我話我一定唔得

佢就話可以去做GYM，平平地500蚊一個月都有，旦我今日上網搵，如果出名小小個d Fitness Club

再加PT顧問費，要Over 1500 蚊一個月.....

吹到9:00到，因為佢第日要返工我地就走lu，我行返去5號出口個面搭巴士返屋企



一搭巴士又想當年lu！！