2:00 烏耳島( bus 30-2 )
尋日同韓國朋友傾開計，我話佢好衰～我黎左半個月，即係到埗個日見左一次～平時約佢都話無時間
我問佢：你係唔係真係咁忙呀？ 點知佢以為我嬲左佢，佢今日專登拎左日出黎陪我去烏耳島
我日思夜想既任食燒貝！我終於食到啦！我地兩條目咀一早上網做好功課～睇下邊間最好食！
不過由弘大去烏耳島原來都要成一個半鐘～來回都三個鐘地鐵....我地餓到爆左！
條木咀出左地鐵係咁叫我比錢搭的士入去燒貝街～我話佢都傻傻地，轉乘都係比多500 won！
一路等巴士個時，佢逼我同佢玩包剪ｘ，話輸左個個比的士錢入去...側面同我地一齊等巴士個亞伯
係咁笑我地＝＝，仲要笑到出聲～我覺得我地好白痴！哈哈～最後巴士10分鐘唔洗就到！
上左巴士再坐20分鐘到，去到燈塔落車，成條街就係自助燒貝街～好正～
我地今次揀左好評最多既38街"貝王"，不過大家要有心理準備，呢到ｄ燒貝店都係無冷氣 TT
真係一路燒...一路熱到出水...一坐底我地叫左無限任食，佢地自動波上菜～
有北寄貝，花蛤，大蜆，細蜆，帶子，扇貝，螺，蝦子石頭飯，芝士玉米，鹽燒蝦，海鮮餅！超好食
我地之前睇相，佢地仲有肉送TT，旦今日去唔知點解無～不過佢d海鮮同飯真係好好味～
最後我地食飽飽埋單個時，仲送左一人一支雪條～正！
之後我地一路行番去燈塔附近個水產市場～見到有人摸蜆，又有人賣海鮮～仲有人野餐～
我同韓仔講：如果今日好天就好啦TT，ｄ相出黎一定好靚！
佢話如果好天的話佢唔會有心機同我行咁耐TT ......之後我地再影左一齊相就等巴士出番去地鐵站
佢話佢好累，因為岩岩成程又燒又剪又夾比我食....我話有無咁累呀....夾個幾隻蜆...真係頂佢唔順
唔好講笑...我今日11:45出門..淨係去食左個蜆..返到屋企都7:30...如果無野做去烏耳島當1 Day Trip都几好～
沒有留言:
發佈留言