韓國留學 ♥ 工作假期: 1-到達韓國

5:00　　　仁川機場

8:00　　　首爾 (8:15上到大學)

8:30-10:00 搵警察

10:35　　　考試院

12:00　　　房東太太一齊去買日用品

3:45 訓覺

２８號晚同屋企人食完個晚飯，好快就入閘啦我，本身22號閘口點知又改左16閘～

原來我架機都幾full下～上左去無幾耐就派nuts，濕紙巾呀個ｄ野～飲埋杯野又派飯

岩岩食完野。。。零晨2:00又食飯！玩野呀！！

到落機個野都好順利..........點知跟住既事就勁啦.......

話說５：００到韓國～過關都等左４５分鐘～到我既時候～因為我持D4～佢就同我講"喂即他"

我話：下．restaurant？　　　　　　　佢又話：唔識"喂即他"？

我：？？？　　　　　　　　　　　　佢就自己係度串l e x x x 咁串...

我o晒咀～我英文都唔係好嫁啦！仲要出個咁深考我！！我一路what what what

佢就話我咁都唔識...終於佢寫左隻字出黎....register

我就即答佢within 90 days......個大叔d英文好搞笑囉！！我聽佢講r，佢真係講到L咁

到我去拎行李個陣～我已經係最後一個啦～一拎完行李就即去mini shop 買$100 idd card

話時話機場行李個邊有個男仔好好好令仔~

旦我打左一個電話，2分鐘到者...點知佢話得番37蚊...唔係@ 秒咁計呀??

用法:

佢張電話卡唔係放入個機到,而係一拎起電話就press 上圖一個制,再入一組no.

080-800-3636->再揀語言,press 4 ,入佢張卡後面個pin->852______________

我一行出去個下就落緊大雨啦～好大雨呀，我又推住行李拎唔到傘

機埸４圍好多的士司機問你搭唔搭車~有得同佢地講價

旦我緊係行去搭巴士啦~用左節扣卷都係80蚊一程～仲有d大叔幫你扥行李上車

當個亞叔同你放完行李就會比番張no字你～落車個陣要拎番呢張紙比司機，司機就會拎行李比你～

"旦唔知點解比金蒲既票我~我明明係仁川嫁嘛"

係清涼里落左車就等的士去我學校~40蚊到~因為我地搵國際會館兜左好耐，唔係既話20到就得

點知個司機車左我去生活會館，學校又一個人都無，因為落緊好大雨～

有個路人見到我就行黎遮我，仲同我一齊去國際會館添

成間學校，我淨係搵到個做找換既大叔，問佢邊到有人，佢就話星期六日無人返工

我問佢聯唔聯絡到人～因為我send email 比呢間學校係佢地話星期六黎都得

我叫個大叔同我打電話又唔肯~叫佢借電話又唔得，落咁大雨，叫佢幫我ｃａｌｌ的士又唔肯定

仲話我煩，趕我走~勁勁勁勁勁乞人憎～等左幾個字見到架的士～即刻跑過去上車

再叫佢兜埋我件拎唔郁既行李～一上車我就話：搵最近學校既酒店～點知佢話附近無酒店

佢問左個路人～就車左去一間考試院到～點知又無人～我去左隔離個食堂問個大嬸

佢話有人～叫我等一陣～我話好大雨～可唔可以拎ｄ　野入黎等～

大嬸好好人～仲幫我一齊扥上去，大叔無幾耐就黎～又幫我打去學校，又同我搵ｍｏｔｅｌ

唔知點解周圍都無位～咁我就開始喊啦～哈哈～真係勁驚～

大叔就提議我去搵警察局幫手～我話我係外國人～大叔話唔緊要，佢定一定幫我

我話我唔識同警察講，大叔話我都明你講咩啦...無問題既...

咁就同我截左的士～去到警局又無人。。。。。。。。。。。。。。。。。

我就叫住個的士司機...佢話咁無計~車番我去食堂搵大叔

我話我無咁多$，佢話：唔洗啦~因為你係外國人~我免費車你返去啦

咁返到去食堂吽左一陣～大叔堅決叫我去多次警局~個的士司機又免費車我去

終於有人啦～原來佢地去巡邏係成間警局３個人一齊出動...

我入到去，有一個人用英文同我講where a u from?咁我就講英文....

點知佢就nonononono....擰晒頭叫我唔好講英文...

最後佢地叫我拎入學證明佢睇，同我打去學校～再同我搵邊到有位

因為我print左一疊資料係個file到，我順手叫佢地幫我問下係唔係4月3一定有房

點知一打去，我ｅ＋住緊間房有人甩底～好在咁我就入到黎住

咁ｄ警察就車左我黎，原來韓國ｄ警車入面係無得開門出黎嫁...只可以係出面開門